fbpx

नेवाः न्ह्यलुवा बिपिन्द्र महर्जन मन्त

झीगु संवाददाता
येँ, बछलाथ्व एकादसि । नेवाः अभियन्ता, बौद्ध अभियन्ता व ज्यापू महागुथिया पुलाम्ह नायः बिपिन्द्र महर्जन बुद्धवाः सनिलय् मन्त ।

८३ दँ दुम्ह वयकःयात ई न्हयः निसें दमया ल्वचं दुख बियाच्वंगु व लिपा पिसावया ल्वच्वं नं थियाः वासाः याकाच्वनादिइगु खः ।

छगू इलय् नेवाःतय्त व विशेष यानाःज्यापुतय्त राजनीतिक चेतना थनेमाल अले उकिया निंतिं ज्यापुतय्त नेतृत्वय् न्ह्यज्याकेमाल धकाः ज्यापु महागुथि स्वनेगुलिइ वय्कः सकृया जुयादिइगु खः । वथेंतुं नेवाःत आडम्बरी व हिन्दु संस्कृतिपाखें कैद जुयाच्वन धकाः शुद्धबुद्धधर्मया प्रचार यायेत नं वयेकः न्ह्यज्यानादिइगु खः ।

 

अथे हे वामपन्थी नेता जुयाः व हे कथंवंगु २०६४ सालया संबिधानसभाया चुनावय् वयकः येँया ५ न क्षेत्रं सभासद जुइत तत्कालिन नेकपा माओबादी पार्टी दनादिगु नं खः । नेवाः व नेवाः संस्कृतिया विषय् वयकलंं थीथी सफू नं च्वयादिगु दु ।

वय्कःया स्वम्ह काय् व निम्ह म्ह्याय दु ।

वयकःया अन्तिम संस्कार बिहिबार सुथय् ८ ताः इलय् पसुपति आर्यघाटय् जुइगु दु ।

Leave a Reply

Your email address will not be published. Required fields are marked *