fbpx

प्रेम बहादुरया ‘करुणा कुञ्ज’ नेवाःभासं पिदन

झीगु संवाददाता
येँ, बछलाथ्व दसमि ।

भाषानिभाः प्रेमबहादुर कसाःया १०२ दँ बुदिंया लसताय् वय्कलं स्थापना यानादीगु च्वसापासाया लुखां वय्कलं ७२दँ न्ह्यः खस भासं च्वयादीगु ‘करुणा कुञ्ज’ पूधाःप्याखं नेवाः भासं भाय् हिलाः पिदंगु दु ।

उगु सफूया उलेज्या जनकवि दुर्गालाल श्रेष्ठं यानादिल ।

ज्याझ्वलय् नवासें भाषासेवी हितकर वीर सिं कंसाकारं पञ्चायतया लिसें नेवाःतय्के भाषा व साहित्यप्रतिया अनुराग म्हो जुयावंगु धासें थ्व गंभीर अवस्थाय् नेवाःत छपँ जुइत नं इनाप यानादिल ।

अले उकिया बारे डा. चुन्दा वज्राचार्यं नवासें उगु प्याखं नेवाः समाज दुने दूगु थजाःक्वजाःया विभेद विरुद्ध जनचेतना हयेत च्वयातःगु खँ कनादिल ।

उगुसफूयात नेवाः भासं भाय् हिलादीम्ह कवि व च्वसापासाया नायः भूषण प्रसाद श्रेष्ठं उगु सफू निदँ न्ह्यः पिदेमाःगु अले दछियंक लय् छगू सफू पिथनेगु योजना दयेकागु खँ उलादिल ।

उगु ज्याझ्वलय् जनगायक भृगुराम श्रेष्ठ व रीता महर्जनं उगु प्याखनय् दुथ्याःगु म्ये नं हालाः न्यंकादीगु खः ।

 

Leave a Reply

Your email address will not be published. Required fields are marked *