fbpx

नेपालभाषाय् दूगु कामशास्त्रया आधारय् च्वयातःगु नागरसर्वस्व पिदन

झीगु संवाददाता
यल, बछलाथ्व षष्ठी । नेवाः भासं थी थी पत्रिका पिकानाच्वंगु ईलोहं प्रकाशनं थौं नेपालभाषा ख्यलय् हे खनेमदुकथंया न्हूगु सफू “नागरसर्वस्व” पित हःगु दु ।

किपा रेखा शाक्य

दर्शनवीर शाक्यं न्हूगु भासं ल्ह्ययाः च्वयादीगु उगु सफूया मूल रुप च्यागू निसें झिंनिगूगु शताब्दीइ नेवाः भासं च्वातःगु छगू कथंया कामशास्त्रया सफू खः ।

किपा रेखा शाक्य

सफूया उलेज्या यासें प्रदेश नं तीनया सांसद डा. अजयक्रान्ति शाक्यं नेपालभाषा ख्यलय् दक्वस्यां थःथःगु कथं ज्या यायनावनेमाःगु खँ कनादिल ।

किपा रेखा शाक्य

च्वमि दर्शनवीर शाक्यं उगु सफू थम्हं नेपालभाषा स्नातकोत्तर ब्वनाबलय् उकिया हे छगू ब्व कथं भाषा सम्पादन यायेगु झ्वलय् च्वयागु शोधग्रन्थया लिधंसाय् च्वयागु व उगु सफू नेपालभाषा वाङमयया छगू न्हूगु पहया तँसाया रुपय् कायेमाःगु खँ कनादिल ।

किपा रेखा शाक्य

सफूया बारे नवासें नेपालभाषा केन्द्रीय विभागया पाखें वज्रमुनि वज्राचार्यं उगु सफू च्यागूगु निसें झिंनिगूगु शताब्दीया दुने च्वयातःगु अले उकिं उबलय्या नेपाःया समाजया तःगु पक्षययात उजागर याःगु खँ कनादिल ।

प्रकाशन गृहया प्रवन्ध निर्देशन नरेशवीर शाक्यं झीसं नेपालभाषां पिदनाच्वंगु थी थी प्रकाशनतय्त माःगु कथं व फुकथं ग्वहालि यानायंकेमाःगु खँ धयादिल ।

किपा रेखा शाक्य

“पेजथ्री अर्वाड ११३७” क्वचाःगु लसताय् नं जूगु उगु ज्याझ्वलय् सकल गुहालिमिपिन्त मतिना चिं लःल्हागु खः । नापनापं  “नेपालभाषा चीहाः स‌ंकिपाः ११३८” धे‌ंधेंबल्ला कासाय्   “द मिथ ०” ल्यू लाःगु खः । उगु हे स‌ंकिपातय् म्हितादिपिं कलाकारपिं  राजेन्द्रमान शाक्य, रुपेन श्रेष्ठ थक्वाः, आराध्यलक्ष्मी खड्गी, अर्विन्द्रमान सिंह, विराजकाजी राजाेपाध्याय व प्रेरणा शाक्य अथेहे प्राविधिक पक्षय् संकिपाया स्क्रिप्ट व डाइरेक्नसनय्  दर्शनवीर शाक्य, ध्वनी, क्यामरा व सम्पादन मनाेज रत्न शाही, एक्शन व असिस्टेन्ट डाइरेक्सनय् राजन शाहीया लिसें अन्य   सर्टमूभि म्हितादिपिं कलाकारपिन्त मतिना चिं  लःल्हागु खः ।

Leave a Reply

Your email address will not be published. Required fields are marked *