fbpx

चिबाखं – मदर्स दे

अमृत रत्न शाक्य

दना दि मत्यनि ला?
छाय् हथाय् थौं शनिवा ला खःनि , भचा देने ब्यु ।” जि हानं देनेत स्व स्वं धया ।

ई छि नं…थौं शनिवा जक खःला । मांया ख्वा स्वयेगु दिन नं ला खःिन । जितः छकःतःझासं मांया निसलाः ब्युवनेमानि ।”

कलाःचिया खँ न्यना जि झस्केजुया । अय् खः ला जि ला ल्वः हे मनाच्वंगु काः ! सय् सय् वजिगु मोबाईल छकः हिं साः।
`
हानं मोबइलय् सनादीन का । दःछकःनि तःझासं । अले गुलि सनेमा सनादिसं मोवाइलय् ।

कलाःचिया ल्हातं मोवाइल काकां जिं धया ´सय् मांया फोटो छपा तयाः हाय्पि मदर्स दे धकाः नि पोष्ट याय्`। जिं काचा काचां फेसवुक अन याना। फेाटो प्रोफाइलय् मांया बाँलागु किपा छपाः ल्ययाः पोष्ट याना । क्याप्सनय् च्वया ´सुथः दनेवं, लुमंकेमाः झीसं , मांया मतिना ।`मांया न्ह्यु ख्वाः सदां स्वय् दय्मा । जिं पाेष्ट यानाः। आनन्दं सासः ल्हाना । झन्दै ल्वः हे मनेत्यंगु काः । कलाःचां मधाःगुसा बरवाद जुइगु का !

का का याकनं ख्वाः सिला दिसं, जि निसलाः ठिक याना वये । व पुतुपुतु हा हां थाहांवन । जि ममदु पहलं खातां दना ।

अय सुमन. सुमन तलय् छकः थाहाँ वा । मां नं सःता हल ।

जि ब्रश यायां थाहां वना `छाय् माँ ?

-‘ना थ्व जाकि व वजि नं ज्वनाहुँ ,जि वने मफु छु याये ! अँ मरि निता नं न्याना तैब्यु न्हि निसलाखय् ।’

अजि मदुगु हे वः दँ मछि दय् धुंकल । आः नं अथे सना च्वने मानि ला । म्वाःमदुगु’ जिं झ्यातु पह वयेक धया ।

जि मदय् धुंका छं यःसा या मयःसा याय् म्वा । छिमि ला छु नल त्वन सिधल ।

हाला च्व च्वं व नं निसला ज्वना वल।

माँ भागियाय् ! मां झायादी मफुसा जिं हे बियाबिइ का माँ, बियादिसँ, थ्व मिजंत नाप हाला च्वना लिलाइ मखु ।

जि वैत अथें त्वःता ख्वाः सिलेत वना ।

जि स्कुटरया ताःचा का कां फेसवुक अन याना ।

अोहो उघ्रिमय् १०१लाइक व ६० कमेन्ट वय् धुंकल खनि ।

जि मुसुमुस न्हयु न्हयु वःग लि कलाःचां ध्याचु नकल, छाय् न्हाचःया पाेष्टय् यक्व लाइक वल कि छु?

जिं खः धैथें छ्यं संका ।

न्हयाक्व हे लाइक वयां छु याये छि थःथःम्हंहे लाइक याना मदी । दकलय् मकासे मगागु छगु लाइक हे छिं कयादी मफुत ।

वैगु खं जि तिरमिर कन । जि धया ‘मतलव?

थाैया दिनय् सुथः न्हापां मांनं ब्वःगु छगु ज्याय् हे छिं अप्व कमेन्ट याना च्वना दिल । मांया तलय् ख्वा ख्युंका दिल,थाैंया दिनय् म्वासां म्वासां मांयात नुगलय् स्याकादिल छिं ।

फेसवुकय् हाय्पि मदर्स दे धका पोष्ट याय् सिवें मांयात सुथ न्हापां दना भिन्तुना वियादीगु जुसा !

जि झसंग वन।स्कुटर स्टार्त याये त्यनाम्ह जि पलख आसे न्हि धया तलय् थाहाँ वना ।

Leave a Reply

Your email address will not be published. Required fields are marked *