fbpx

नेवाः अनलाइन न्यूज न्यादँ क्यन

झीगु संवाददाता
येँ, चौलागा चर्हे । नेपालभाषा पत्रकारिता ख्यलय् अनलाइनया अवधारणा ज्वनाः वःगु ‘नेवाः अनलाइन न्यूज न्यादँ क्यंगु व नेवाः यूट्यूब सच्छिन्हु क्यंगु लसताय् छगू हना ज्याझ्वः जुल ।

ज्याझ्वलय् नेवाः सूचना केन्द्रया राजेन्द्र रंजितयात वय्कलं नेपालभाषाया थीथी ज्याझ्वःया समाचार दक्वसितं वितरण यानाः ग्वाहालि यानाच्वंगुलिं हःपाः स्वरुप सम्मान यात । वय्कःयात नेपालभाषा एकेदमिया सदस्यसचिब मल्ल के सुन्दरं हनापौं बियादिइगु खःसा दाताु चेतना श्रेष्ठं १०,००० तका दां नं लः ल्हाःगु खः ।

अथे अन हे अनलाइन न्यूजय् बिज्ञापन बियाः ग्वाहालिं यानादीम्ह पुरुषोतम श्रेष्ठयात व लिसें नेवाः यूट्युव पाखें निर्माण जूगु प्याखंया कलाकारपन्ति नं हंगु खः ।

ज्याझ्वलय् नवासें मल्ल के सुन्दरं नेवाः अनलाइनं आःतक याःगु ज्या च्वछासें आः उकिइ परिवक्वता वयेमाल धयादिल ।

 

नेवाः अन लाइन न्यूज व नेवाः युट्युबया कजि सुजिव बज्राचार्यं अन अनलाइन व आः युट्युब ज्यानल चायेकाया अनुभव नं कनादिल ।

Leave a Reply

Your email address will not be published. Required fields are marked *