fbpx

प्रज्ञा–प्रतिष्ठानं पिथनाच्वंगु थाय्भुयात कयाः चर्चा

झीगु संवाददाता

येँ, चौलागा त्रयोदसि । नेपाल प्रज्ञा–प्रतिष्ठानं पिथनीगु थाय्भु साहित्यिक दँपौया प्रकाशक, सम्पादक व च्वमि श्रष्टापिं दथुइ बिहिबार छगू अन्तरक्रिया ज्याझ्वः जुल ।

प्रज्ञा–प्रतिष्ठानया कुलपति गङ्गाप्रसाद उप्रेतीं प्रज्ञा–प्रतिष्ठान नेपाःया थी थी मांभाय्या साहित्य थकायेत न्ह्यलुयाः वयाच्वंगु खँ कनादिल । वय्कलं प्रतिष्ठानं नेपाःया थी थी मांभाय्या विकास यायेगु ज्याःय् योगदान बिइगु प्रतिष्ठानया कर्तव्य हे खः नं धयादिल ।

उपकुलपति डा. जगमान गुरुङं नेपालय् थी थी भाय् व संस्कृति दुसां उमि दथुइ अन्तर सम्बन्ध दयाच्वनेमाःगु खँ धतयादिल ।

मातृभाषा साहित्य विभागया प्रमुख व ‘थाय्भू’का प्रधानसम्पादक प्राज्ञ लक्ष्मी मालीं थी थी श्रष्टापिनिगु रचनां जाःगु थाय्भू पिदनाच्वंसां ब्वमिपिन्सं थुकियात मतिना मयाःगु व पिन्थाय् तक मथ्यनाच्वंगु अवस्थाय् ग्राहकत यक्व दतकि थुकियात अर्धवार्षिक व त्रैमासिक यानायंकेमाःगु खँ कनादिल ।

व स्वयाः न्हयः नेपालभाषाका स्रष्टापिनिगु पाखें मोहनबहादुर कायस्थ व पुष्प चित्रकां थाय्भुयात अर्धवार्षिक व त्रैमासिक यानायंकेमाःगु माग यानादीगु खः ।

अथे हे प्राज्ञसभा सदस्य व पत्रिकाका पूर्वकार्यकारी सम्पादक धु्रव मधिकर्मीं ‘थाय्भू’ दँपतिं नेपालभाषा साहित्यया विकासया लागि यानावयाच्वंगु योगदानकाय चर्चा यानादिल ।

प्रज्ञा–प्रतिष्ठानको मातृभाषा साहित्य विभागया संयोजनय् जूगु उगु ज्याझ्वलय् आपालं नेपालभाषाया च्वमि साहित्यकारपिनिगु उपस्थिति दूगु खः ।

Leave a Reply

Your email address will not be published. Required fields are marked *