fbpx

२० वडाय् मिखादान सम्बन्धी ज्याझ्वः जुल

झीगु स‌ंवाददाता
येँ । चौलागा षष्ठी । दृष्टि विहिन उन्मुलनया तातुना न्ह्याकाच्वंगु सामाजिक क्रिया संजाल नेपाल, येँया ग्वसालय् संस्थाया नायः मैया बज्राचार्यया नायःसुइ बुधबाः मिखादान जनचेतनामुलक ज्याझ्वः क्वचाःगु दु ।
आनन्द बज्राचार्यं न्ह्याकादीगु उगु ज्याझ्वलय् मूपाहाँ कथं का.म.पा. वडा नं.२० या नायः राजेन्द्र मानन्धर, पाहाँकथं शान्तिनिकुञ्ज मा.वि.या प्रध्यानाध्यापक ज्ञानकाजी महर्जन, वडा सदस्यपिं शोभा मानन्धर व मञ्जु मगैयां लगायत थीथी त्वाःयापिन्सं ब्वतिकयादीगु खः ।

मनू सी धुंकाः खरानी जुया वनीगु मानव शरीरया अंग मेपिनिगु नितिं जीवनदान जुइफइगु खँयात नालाकासे छम्ह सीधुंकूम्ह मनूया मिखापाखें प्यम्ह मिखा मखंपिन्त खंकेफैगु, मनू सीगु ८ घौ तक्क मिखा सीमखु, मिखा बैंकं मदुम्ह मनुया मिखाया नानी जाँच याना जक मिखाँ मखंमेसित नानी प्रत्यारोपण याइगु, मिखादान यातकि मेगु जन्मय् मिखा मदुम्ह जुयाः जन्म जुइगु अन्धबिश्वासयाबारे साधुराम महर्जनं ध्वाथुइक कनादिल ।

मिखादान धैगुनं हिदान थेंहे मानव जीवनय् तसकंहे महत्वपूर्णगु ज्या जूगुलिं थुकियात न्यंकायंकेत सकलसिनं थःथःपिनिगु गुथि, भ्वय्, मुँज्या जुइथाय् प्रचार प्रसार यानावनेमाःगु खँय् प्रध्यानाध्यापक महर्जन बबियादिल । ज्याझ्वलय् मिखादान इच्छापत्र दुतिनेगु पौ वडाया प्रतिनिधि व ब्वनेकुथिइ इनेगु ज्या नं जूगु खः ।

बुखँ ग्वाहालि राजेन्द्र रंजीत किपा अमिरमैया रंजीत

Leave a Reply

Your email address will not be published. Required fields are marked *