fbpx

निर्वाण मूर्ति विहारय् गुणानुस्मृति सभा

 झीगु स‌ंवाददाता

येँ । चौलागा षष्ठी । नेपाःया खुम्हम्ह मदुम्ह संघनायक श्रद्धेय अश्वघोष महस्थवीर व श्रद्धेय दो गुणवती गुरुमांया निर्वाणया कामना यानाः गुणानुस्मृति सभा यायेगु ज्या निर्वाण मूर्ति विहारय् वैशाख १२ गते सुथय् याःगु दु ।
निर्वाण मूर्ति विहारया सचिव अमृतमान ताम्राकारजुं न्ह्याकादीगु थुगु ज्याझ्वलय् आनन्दकुटी विहारया कावा प्रमुख भिक्षु धर्ममूर्ति महास्थवीरजुं पंचशील प्रदान याना बिज्यात ।

मदुम्ह भिक्षु अश्वघोष महास्थवीर व मदुम्ह दो गुणवती गुरुमांया किपातय् दीप प्रज्वलन व स्वां देछायगु ज्या उपस्थित भन्ते व उपासक उपासिकापिन्सं यानादिल ।
थुगु गुणानुस्मृति सभाय् च्वमि लोचनतारा तुलाधरजुं भिक्षु अश्वघोष महास्थवीर व दो गुणवती गुरुमांया म्हसीका कनादिल ।
थुगु ज्याझ्वलय् डा. धम्म विजया गुरुमां, राहुल भन्ते, कोण्ड्रन्य भन्ते व सभापतिया थासं धर्ममूर्ति भन्तेज्ुपिन्सं दिवंगत जुयाबिज्यापिन्सं बुद्ध शासनयात चीरस्थायी याना तयतया नितिं थःगु जीवनभर थःथःगु थासं क्वातुक यानादीगु योगदान व वयकपिनिगु व्यत्तित्वया बारे चर्चा याना बिज्यात ।
अन्तय् भिक्षु धर्ममूर्ति महास्थवीरजुं पुन्यानुमोदन याना सभा क्वचाय्कादिल ।
लुमंके बहःजू भिक्षु अश्वघोष महास्थवीर ९३ दँया वैशय् चैत २२ गते व दो गुणवती गुरुमां ९५ दँया वैशय् मदुगु खः ।

ग्वाहालि सुगत रत्न सिन्दुराकार सम्यक वाःपौ

Leave a Reply

Your email address will not be published. Required fields are marked *