fbpx

पिपिएफं मिसा मस्तय्त छात्रवृति बिइगु

झीगु संवाददाता

येँ, चौलागा पारु । पारागोन प्रोलाटस फाउण्डेशन (पिपिएफ) नांगु संस्थां “आशा दि होप” नांगु छगू छात्रवृति कोषया घोषणा याःगु दु ।

थुकिं १८०म्ह सीमान्तकृत व माःपिं युवा मिसामस्तय्त शिक्षा बिइ, अले थुकिं वइगु प्यदँ दुने १०००गू छात्रवृति बिइगु आशा यानातःगु दु ।
घरेलु हिंसा, बलात्कार, तिरस्कार, मानव बेचबिखन व विपन्न आर्थिक अवस्थां भविष्य हे मदयेकीगु अवस्थाय् लापिं मस्तय्त माइति नेपाल, डोल्पो, बारा, जनकपुर, अछाम व मेमेगु जिल्लांयापिं मस्तय्त थ्व छात्रवृतिया लागि येँया थुगु ज्याया लागि ल्यःगु दु ।

 

थ्व पिपिएफ धइगु संस्था पोर्टालस, पोर्टल्याण्डया क्रिस्टोफर बक व तिलगंगा, येँय् च्वंगु पारागन पब्लिक स्कुलया निर्देशन शाकिर उद्दिनं सन् २०१९लय् मतिनां संसार हिलेफु धइगु विश्वासं चायेकूगु खः ।

बकं धाःगु दु, “जब छिं थःत मतिना यानादी, छिं मेपिन्त मतिना यानादीफइ । अले जब छिं मेपिन्त मतिना यानादी, छिं समाजय् परिवर्तन हयेफइ ।”

थ्व ज्याझ्वलं प्रधानमन्त्रीया दक्वसित शिक्षित यायेगु ज्याय् नं ग्वहालि जुइ धकाः नं धयातःगु दु ।

उद्दिनं धाःगु दु, दकलय् बांलाःगु सयेकेगु वातावरण व छात्रवृति बियाः पिपिएफं देय्या मस्तय्त स्वास्थ व खुशी नागरिक दयेकेत्यंगु दु ।

 

Leave a Reply

Your email address will not be published. Required fields are marked *