नातिवज्रया लुमन्तिइ बिचाः मुँज्या

झीगु संवाददाता
येँ, पोहेलाथ्व खस्ति । कवि व भाषासेवी नातिबज्र बज्राचार्य मदुगु लुमंकाः शनिवाः वय्कःया छेँ न्ह्यःने दगुबहालय् बिचाः मुँज्या जुल ।

जनकवि दुर्गालाल श्रेष्ठं कविताया भासं आः नातिबज्र धुृंकाः वय्कःया पाःब्व सुनां लःल्हानाकाइगु धइगु न्ह्यसः छुनादिल ।

नेपालभाषा ऐकमदमिया सदस्य सचिव मल्ल के. सुन्दरं नातिबजयात नेपालभाषाया छम्ह आइकन वा प्रतीक कथं म्हसीकेमाःगु खँय् बः बियादिल । प्रा. प्रेमशान्ति तुलाधरं नाजिवज्रया साहित्यिक, भाषिक व मेमेगु ख्यःया योगदानयात लुमंकादिल । अथे हे डा. पुष्पराज राजकर्णिकार, त्रिरत्न शाक्य, जुजुकजी रंजितं थःपिनिगु नातिबजलिसेया लुमन्तियात कुलादिल । अले राजभाई जकःमिं नातिवज्रया तिरिमय्जुया योगदानयात सराहना यानाः च्वयादीगु कविता न्यंकादिल ।


ज्याझ्वः नेवाः देय् दबू, च्वसापासा व प्रतिभा साहित्यिक परिवारया जूगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.