संगीतकर्मी अमरराज शर्मायात हना

 

झीगु संवाददाता

येँ, पोहेलाथ्व चौथि । बासःदँनिसें नेपालभाषा संगीतया माध्यमं जनताया दथुइ क्रान्तिया बिगुल पुयावयाच्वनादीम्ह वरिष्ठ संगीतकर्मी अमरराज शर्माया तःजिक हनेज्या जुल ।

नीगुस्वयाः मयाक्क संघसंस्थाया मंका हनापौयात जनकवि दुर्गालाल श्रेष्ठं विहिबार येँया नाचघरय् जूगु छगू सांस्कृतिक ज्याझ्वःया दथुइ शर्मायात लःल्हानादिल । नापं महर्जन कम्प्लेक्सया पाखें नं निगूलाखत्या ध्यबा नगद नं अन हे वय्कःयात लःल्हाःगु खः ।

किपाः रेखा शाक्य

ज्याझ्वलय् नवासें दुर्गालालं प्रतीभा हे राष्ट्रया सम्पति खः अले प्रतीभाया सम्मान गन जुइ व देय् गबलें सिइमखु धयादिल ।
थःगु बिचाः प्वंकेगु झ्वलय् अमरराज शर्मां दक्व कलासंस्कृतिप्रेमीपिनिगु उपस्थितिं व थःत याःगु सम्मानं थः उर्जामय जूगु खँ कनादिल ।

किपाः रेखा शाक्य

ग्वसाःखलःया कजि विराजकाजी राजोपाध्यायं दक्वसिगु ग्वाहालिं हे थ्व ज्या सफल जूगु खँ कनादिल ।
उकियालिसें झिगूति संघसंस्थां नं शर्मायात अन हे सम्मान पौ, खादा व नगद सिरपाः लःल्हानाः वय्कलं थःगु जीवनय् यानादीगु योगदानयात कदर यात ।

 

किपाः रेखा शाक्य

ज्याझ्वलय् शर्माया लिसें नांदंपि कलाकारपिं पवित्र कसाः,सुरजवीर बज्राचार्य, सानुवावु महर्जन, भुपेन वज्राचार्य, सुरज व्यन्जनकार, दीपा महर्जन व मेमेपिन्सं नं वय्कःया च्वसा व संगीतय् ज्यानातःगु म्ये हालेगुलिसें हुलाप्याखं नं क्यनेज्या जुल ।

किपाः रेखा शाक्य

ज्याझ्वः अमरराज सम्मान समारोह समितिया ग्वसालय् मेमेगु संघसंस्थाया ग्वाहालिइ आयोजना जूगु खः ।

 

किपाः रेखा शाक्य
किपाः रेखा शाक्य

 

किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.