कवि नातिवज्र मन्त

 

झीगु संवाददाता ।

येँ  थिंलागा द्वादसि । कवि,  भाषासेवी  व बौद्ध अभियन्ता नातिबज्र बज्राचार्य थौं बुधबार बहनी वीर अस्पतालय् वासः याकुयाकुं   मन्त । झिंनिन्हु न्ह्यः वासः याकेत अस्पतालय् भर्ना याःगु खः ।

च्वमि बसन्त महर्जन‌ं बियादीगु जानकारी कथं म्हिगःम्हीग स्वयां स्वास्थ्य स्थिति थौं सुधार जूगु खः । अले  न्हिनय् तकया स्थिति स्वये बले याकनं हे डिस्चार्ज जुइगु अवस्था दु धकाः जिपिं सकलें लयतायागु खःसा पलख न्ह्यः जक वय्कलं अन्तिम सासः ल्हालानादिल ।

२२सालया आन्दोलनय् सक्रिय कथं ब्वतिकयाः उकियात हे ग्वहालि यायेत नेवाः भाय्या सफू पसःतयाः थत समर्पित यानादीम्ह वज्राचार्य युवक बौद्ध परिषद दयेकाः बुद्धधर्मया प्रचार व संरक्षण यायेगु ज्याय् नं वय्कः लगेजुयादिल ।

वय्कःया जन्म ने.सं. १०५८ तछलागा ३ कुन्हु असं दगुबहालय् जूगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.