पद्मरत्नया लत्याय् बिचाः हायेका ज्याझ्वः

https://www.facebook.com/rajendra.manandhar.7906

झीगु संवाददाता

येँ, थिंलाथ्व एकादसि । नेपालभाषा साहित्य ख्यः या छगः थां अले नेपाःया राजनीतियात लँ दयेकाबिउम्ह मानवअधिकारवादी न्ह्यलुवः पद्मरत्न तुलाधरया लत्याया दिं लाकाः मंगलवाः छगू ज्याझ्वः यात ।

किपाः रेखा शाक्य

येँ महानगरपालिकाया प्रमुख विद्यासुन्दर शाक्यं पद्मरत्न नेवाःतय् जक मजुसे दक्व नेपाःमितय् हे नेता जुइमाःगु खँय् बःबिसें आः वय्कःया नामय् अध्ययन प्रतिष्ठान दयेकेगु सझाव बियादिल । लिसें वय्कःया हे म्हगस नेवाःतय्गु दबू छेँ दयेकेत माक्व बजेटया ग्वहालि यायेत महानगरपालिका तयार दूगु खँ नं लुमंकाबियादिल ।

किपाः रेखा शाक्य

उगु बिचाः हायेका ज्याझ्वःलय् नेपालभाषा मंकाः खलःया छ्यान्जे नरेशबीर शाक्यं मंकाःखलःया न्हूधाः याये मफयाच्वंगु स्वीकार यासें आः खलःया नामय् दूगु जग्गाय् पद्मरत्न तुलाधर लुमन्ति छेँ दनाः उकियात नेवाः अध्ययन केन्द्रया रुपय् विकास यानायंकेगु खँ कनादिल ।
तुलाधरया म्ह्याय् सुम्निमा तुलाधरं पद्मरत्नं धयादीथें नेपाःपिपिन्सं थःगु भाषिक लगायत मेमेगु अधिकार कायेमंगुलिं वय्कःया प्रेरणायात लुमंकाः आन्दोलन मदिकेत इनाप यानादिल अले दक्वसितं सुभाय् नं द्यछायादिल ।

किपाः रेखा शाक्य
किपाः रेखा शाक्य
किपाः रेखा शाक्य

लिसें उगु ज्याझ्वलय् डा. चुन्दा बज्राचार्यं थःगु लुमन्ति ब्वयादिलसा कवि नरेन्द्रमान महर्जनं थःगु चिनाखं ब्वनादीगु खः ।

किपाः रेखा शाक्य

ज्याझ्वः स्वयाः न्ह्यः अन तुलाधरया किपाय् अन उपस्थित दक्व भाषाप्रेमी व मेमेपिन्सं स्वां छायाः श्रद्धान्जलि प्वंकादीगु खः ।
ज्याझ्वः नेपालभाषा मंकाः खलःया ग्वसालय् जूगु खः ।

झीगु डट कम

झीगु नितिं झीगु सञ्चार

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: