इन्द्र मालीयात हेमराज सिरपाः लःल्हात

झीगु संवाददाता
यल, कछलागा नवमि । नेपालभाषाया तःखँग्वः धुकूया कोशकार इन्द्र मालीयात थौं छगू ज्याझ्वलय् शताब्दी पुरुष सत्यमोहन जोशीं प्रतिष्ठामूलक हेमराज सिरपाः लःल्हात ।
लिपि विशेषज्ञ तथा संस्कृतिविद् पं हेमराज शाक्यया लुमन्तिइ छेँजःपिन्सं नीस्वनातःगु भाषा, साहित्य, संस्कृति, लिपि आदि ख्यलय् च्वछाय्बहगु कृति व योगदान बियावयाच्वंम्ह व्यक्ति वा संस्थायात सम्मान स्वरुप लोक साहित्य परिषदपाखें उगु सिरपाः लःल्हायेगु यानावयाच्वंगु खः ।
ज्याझ्वलय् नवासे परिषदया संरक्षक एवं शताब्दी पुरुष सत्यमोहन जोशी आः नीस्वनातःगु थी थी सिरपाःया उल्लेख यासें सिरपालं च्वमिपिन्त तसकं हौसला बिइगु अले थथे हे च्वयेग्ु पाखे दक्वसिया ल्हाः वनाच्वन धाःसा झीगु भाय् गबलें मसिइगु विश्वास प्वंकादिल । अले वथेंतुं थःगु स्वास्थ्याया ख्याल मयासें हे ज्वः मदुगु कोश दयेकाः थःगु मांभाय्या सेवा यानादीगुलिं उकिया सराहना नं यानादिल ।

https://www.facebook.com/rajendra.manandhar.7906


थुगु सिरपालय् छेँ जःपाखे‌ं छगू लख दां लिसें सिजःपौया सम्मान बिउगु खः ।
परिषदया नकिं प्रा प्रेमशान्ति तुलाधरं मालीयात भाषाविद्, निवन्धकार, समालोचक व कोशकारया रुपय् म्हसिका बिसें पाहाँपिन्त सुभाय् नं बियादिल ।

झीगु डट कम

झीगु नितिं झीगु सञ्चार

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.