कमल प्रकाश मल्लया लुमन्तिइ बिचाः मुँज्या

झीगु संवाददाता
येँ, कछलागा नवमि । मदुम्ह विद्वान प्रा. डा. कमल प्रकाश मल्लया लुमन्तिइ थौं छगू बिचाः मुँज्या जुल ।
ज्याझ्वलय् नवासें शताब्दी पुरुष सत्यमोहन जोशी मल्लयात भाषिक व्यक्तित्व कथं कयाः चर्चा यासे वय्कं विशेष यानाः नेपालभाषा या क्लासिक खँग्वः धुकू दयेकेत व समालोचना ख्यलय् यानादिइगु योगदान लुमंकादिल ।
पत्रकार कनकमणि दिक्षितं निदँ स्वदँ न्ह्यःतिनि मल्लया पुलांगु लेख मुनाः पुनः प्रकाशन यानाबलय्यागु खँ लुमंकाः वय्कःया बहुआयामिक व्यक्तित्वया चर्चा यानादिल ।
जनकवि दुर्गालालं मल्लं थःगु न्हापांगु कविता मुनाः थम्हं मुनाः व्यवस्थित यानाः पिकनादीगु खँ लुमंकादिल ।
ज्याझ्वलय् नेपालभाषा साहित्य ख्यःयापिंयालिसें जनजाति अधिकार आन्दोलनया अभियन्तातय्गु नं उपस्थिति दूगु खः ।

https://www.facebook.com/rajendra.manandhar.7906
नेसं १०५६ कौलागा आमाइ (लक्ष्मीपुजा) कुन्हु जन्म जुयाः नेसं ११३९ कछलाथ्व नममिकुन्हु मदुम्ह मल्लया बिचाः मुँज्या नेवाः देय् दबू, च्वसापासा, नेपालभाषा एकेडेमी, आशा सफूकुथि गुथि व प्रतिभा साहित्यिक परिवारया मंकाः ग्वसालय् जूगु खः ।

झीगु डट कम

झीगु नितिं झीगु सञ्चार

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.