प्रा. डा. कमल प्रकाश मल्ल मन्त

झीगु संवाददाता
येँ, कछलाथ्व एकादसि । नेपालभाषायात विश्वय् म्हसिकाबिइत योगदान यानादीम्ह अले नेपालभाषा सामालोचक प्रा. डा. कमल प्रकाश मल्ल शुक्रबार मदीगु खबर वःगु दु ।
नेपालय् त्रिभुवन विश्वविद्यालय् अंग्रेजी केन्द्रीय विभागय् ब्वंकेगु व भाषाविज्ञान विभाग दयेकेगुलिसें विश्वविद्यालयया हे शिक्षाध्यक्ष जुयादीम्ह मल्ल तःदँनिसें संयुक्त राज्य अमेरिकाया अटलान्टाय् थः परिवारलिसे च्वनादीगु खः ।

नेपालया इतिहास व भाषा साहित्ययात न्हूगु कथं अध्ययन यायेमाः धयादीम्ह वय्कः यक्व न्ह्यःनिसें ‘पार्किन्सन्स’ व ‘अल्जाइमर्स’ धइगु ल्वचं कयाः च्वनादीगु खः ।

https://www.facebook.com/rajendra.manandhar.7906

८३ दँ दुम्ह मल्लया जहान व निम्ह काय्म्ह्याय् दु । वय्कःया पार्थिव शरीरया अन्तिम संस्कार नेपाःया ई कथं बुधवाः अमेरिकायय् हे वय्कःया जहानपिं च्वनाः याइगु अले येँय् बिचाः फयेगु ज्या धाःसा शनिवाः सुथय् वय्कःया थाय्मरुस्थित पुलांगु छेँय् जुइगु खँ सीदुगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.