च:मतिया न्हूदँ मोटरसाइकल रयालि क्वचाल

झीगु संवाददाता

येँ, कछलाथ्व एकादसि । न्हूदँ नेपाल संवत ११३९या भिंतुना इनेत स्वनिगःया मोटरसाइकल रयालि नुवाकोटया बटार, ढिकुरे व कविलास वनाः आइतबार बहनी लिथ्यन ।

चःमति नेवाः खलःया ग्वसालय् जूगु उगु मोटरसाइकल रयालिइ करिब १५० गः मोटरसाइकल, ५ गःति मोटर व २गः बसया सहभागिता दूगु खः ।उगु रयालि शनिबार सनिलय् नुवाकोटया बटारबजारय् थ्यनेवं अन छगू न्हूदँ साँस्कृतिक ज्याझ्वः जुल । उगु ज्याझ्वलय् नवासें प्रदेश सभाया दुजः जीवनराम श्रेष्ठं सम्पूर्ण नेपाःमिपिनिगु हित याये धुंकाः देय्या हे नामं स्वनातःगु नेपाल संवत् देय्या हे गौरव जूगुलिं दक्व नेपाःपि पिन्सं विदेशं हयातःगु विक्रम संवतया विकल्प कथं छ्यलाः देय्या इतिहासयात लुमंकेमाःगु खँ धयादिल ।

किपाः रेखा शाक्य

ज्याझ्वलय् विदुर नगरपालिकाया मेयर सन्जु पण्डितं नेपाल थी थी संस्कृतिया धनी देय् जूगु व विशेष यानाः नेवाःत गन गन दु अन अन उमिसं थःगु संस्कृतियात जर्गेना यानातःगुलिं नेपाल विदेशीतय् न्ह्यःने न्ह्यब्वये बहजूगु लुमंकुसें नेपाल संवत् नेपालया हे इज्जत जूगुलिं थुकियात दक्वस्यां छ्यलाबुलाय् हयेमाःगु खंय् जोड बियादिल ।

ज्याझ्वलय् स्वनिगलं वंपिं व नुवाकोटया स्थानीय कलाकारपिन्सं नेवाः म्ये हालेगु व नेवा म्येय् प्याखं हुलाः व ख्यालः क्यनाः स्थानीय जनतायात मनोरञ्जन बिइगुया लिसें उमित नेवाः संस्कृति लुमंका बिइगु ज्या यात ।

किपाः रेखा शाक्य

अथे हे मदुम्ह नेवाः न्ह्यलुवा व मानवअधिकारवादी नेता पद्मरत्न तुलाधरयात लुम‌काः अन छगू  मिनेट माैन धारण न‌ याःगु खः ।

किपाः रेखा शाक्य

व स्वयाः न्ह्यः स्वनिगलं वंपिं मोटरसाइकल रयालिया सहभागिपिन्त अनच्वंपिन्सं परम्परागत नेवाः वसतं पुनाः सिन्हःतिका व ख्यें सगं बियाः लसकुया याःगु खः ।

किपाः रेखा शाक्य

शानिबार न्हिनय् रयालि नुवाकोटया मेगु नेवाः बस्ती ढिकुरे थ्यंकाः अन नं स्थानीय नेवाःतय्सं रयालि सहभागीपिन्त लसकुसयात । अन जूगु सांस्कृतिक ज्याझ्वलय् स्थानीय समाजसेवी पूर्णलाल श्रेष्ठं अन च्वंपिं नेवाःतय्सं नेवाः भाय् ल्हाये मसःसां उमित नेवाः जुयाया गर्व दूगु व नेवाःतय्गु सांस्कृतिक ज्याझ्वलय् मन तयाच्वंगु खँ कनादिल ।

 

किपाः रेखा शाक्य

 

ज्याझ्वलय् नवासें चःमति नेवाः खलःया अध्यक्ष पूर्णकाजी ज्यापुं नेपाल संवत्यात व नेवाः संस्कृतियात देय्या थी थी थासय् थ्यंकाः नेवाःत दथुइ एकताया भावना ब्वलंकेत थुगु रयालिया आयोजना यानागु खँ कनादिल ।

https://www.facebook.com/rajendra.manandhar.7906

नुवाकोटया कबिलास नासः द्यःयाथाय् वने धुंकाः गुर्जुभन्ज्याङ जुयाः लिहाँ वःगु रयालि बहनी टोखाय् थ्यंकाः अनया स्थानीय नेवाः खलः पुचःतय्गु मंकाः न्हूदँ जुलुसं टोखा देय् चाःहिलेधुंकाः रयालि क्वचाल ।

किपाः रेखा शाक्य

किपाः रेखा शाक्य
किपाः रेखा शाक्य

किपाः रेखा शाक्य
Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.