स्वन्ति नखः, म्हपुजा व मन्दःया महत्वया बारे सहलह


content/uploads/2018/10/nds-bakery-items.png” width=”720″ height=”90″ />

झीगु संवाददाता
काठमाडौं, कौलागाः द्वादशि। स्वनिगःया नेवातय्सं हनावायच्वंगु स्वन्ति नखः, म्हपुजा व मन्दःया महत्वया बारे विभिन्न पक्षयात कःघानाः थौं छगू सहलह ज्याझ्वः जुल ।
ज्याझ्वलय् शताब्दी पुरुष सत्यमोहन जोशीं नेवाःतय्सं थःगु म्हयात द्यःथें तायेकाः उकियात थी थी प्रतीकात्मक कथं पुज्यायेगु धइगु छगू अज्याःगु अमूर्त संस्कृति खः गुगु विश्वय् हे नं क्यनेबहजू । वय्कलं दक्व नेवाःतय्गु एकताया चिं कथं यानावयाच्वंगु म्हपूजाया कारणं उमिगु नखः मेमेगु जातिं याइगु तिहार स्वयाः पानाच्वंगु खँ कसें मेपिन्सं उकुन्हु द्वहँ व गोर्वधन पर्वतयात पुज्याइगु नं उल्लेख यानादिल ।
अथे हे लुम्बिनी बौद्ध विश्वविद्यालयया उपकुलपति प्रा. डा. नेरश मान वज्राचार्यं म्हपूजा यायेबलय् दयेकीगु मन्दःया बौद्ध दर्शन कर्थ अर्थ कनादिल ।

वयय्कलं मन्दः थौंकन्हय् तःता कथं दयेकूसां मुख्य खँ धइगु हरेक मन्दलय् चित्त, वाक तथा कायया अन्तर सम्बन्धयात क्यनातःगु दइ अले उकियात थः थवय् स्वाःगु स्वचाकः दयेकाः थ्व खँयात प्रतीकात्मक कथं ब्वइ धयादिल ।
अथे हे मनूया शरीर ६ गू इन्द्रिय धातु, ६गू विषय धातु तथा ६ गू विज्ञान धातुपाखें बनेजुइ अले उकियात हानं ६ गू इन्द्रिय आयतन व ६ गू विषय आयतनया रुपय् व्याख्या यायेफइगु खँ नं वय्कलं कनादिल । बुद्धधर्मया अभिधर्म मथुइकं थ्व खँ थुइके थाकुइगु खँयात जोड बिसें वय्कलं नेवारतय्सं पूजा याइगु म्ह धइगु म्वाःम्ह मानिस खः अले थुकिया पुजा यायेत हरेक व्यक्तिया न्ह्यःने दयके कलात्मक मन्दलं व म्वाःम्ह मनूयो काय, वाक व चित्त मण्डल थुइकीगु अले थुकिं व मनू व्यक्तित्वयात हे ब्वइगु जूगुलिं थुकिया हरेक मनूया थःगु हे मन्दः दयेमाःगु खँ नं कनादिल ।

ज्याझ्वः धुंकाः थौ हे दीवंगत जुयादीम्ह भाषा अभियन्ता तथा मानवअधिकारवादी नेता पद्मरत्न तुलाधरया निर्वाण कामना यासें दुर्गति परिशोधन पाठ यायेगु ज्या नं जुल ।

उगु ज्याझ्वः उदाय समाज उदाय म्युजियमं आयोजना याःगु खः ।

https://www.facebook.com/rajendra.manandhar.7906

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.