नेपालभाषा एकेदमिं दान्यहिरा सिरपाः लःल्हात




झीगु संवाददाता
यल, कौलागाः अस्तमि । नेपालभाषा एकेदमिया स्वंगू दान्यहिरा सिरपाः थौं थन जूगु छगू ज्याझ्वलय् लःल्हायेगु ज्या जुल ।

एकेदमिया संरक्षक सत्यमोहन जोशीं नेपालभाषाया नांदंम्ह समालोचक व साहित्यकार प्रो. माणिकलाल श्रेष्ठयात दान्यहिरा सिरपाः, पत्रकार नजरराम महर्जनयात दान्यहिरा हःपाः सिरपाः व मुनिबहादुर शाक्ययात दान्यहिरा विज्ञान प्रविधि सिरपाः मुनिबाहादुर शाक्ययात लःल्हानादिल । वय्कःपिन्त एकेदमिया चान्सलर चित्तरन्जन नेपाली स्वांम्हू व भाइस चान्सलर यज्ञरत्न धाख्वालं नगद सिरपा बियादीगु खः ।
उकिइमध्ये श्रेष्ठ ज्याझ्वलय् थ्यंके मफुगुलिं वय्कःया छेँजलं सिरपाः लःल्हानाकाःगु खः ।

लिसें भाइसचान्सलर धाख्वालं म्येहालामि सुरजवीर वज्राचार्ययात विशेष सिरपाः नं बियादिल ।
सिरपाः समितिया पाखें डा. पुष्पराज राजकर्णिकार सिरपाः त्याकादिउपिं व्यक्तित्वपिनिगु परिचय बिसें वय्कःपिन्त छाय् सिरपाः लात धइगु खँय् थःगु बिचाः तयादिल ।
उगु हे ज्याझ्वलय् मू पाहाँ सत्यमोहन जोशीं धाख्वाःया सफू इस्तानबुलया सतक बन्जाःया उलेज्या नं यानादिल ।
ज्याझ्वलय् म्येहालामि वज्राचार्यं संगीतिक प्रस्तुति नं यानादिल ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: