हानं हिलेमाःगु हिउपाः (चिनाखँ)

योगेन्द्र प्रधान

वं नुगःपाय् घय्पुनाः नतूचां सुल
गथे गथे अ ाय्ेया धाये मफुत उबले ।
जिगु सहया लब काकां पाम्वलं कल
हिला पलेसा म्हच्छिं लः ज्वल ।
वं हेकतं घय्पूगु थ्व म्ह
भ्वाथलं दयेकूगु कतांमह्रि थें वया ज्यू मन्त ।
तनूचा व पाया उबलेया कासां
थौं अल्याख स्याःचाः चिच्चाय् दन ।
चिच्चाय् या छगू छगू सलं प्वाःप्वाः मिप्वाः दन ।
तनूचा नायाः कुचा दल
पा तज्यानाः धूधू जुल ।
जिगु सहया मिखा चाल
स्याःचाः घुतिंकाः नुगःपा छझाः मुसुकाल ।

भतिलं वं हानं लसि हिल
नतूचा गःसू जुयाः प्याहाँ वल
पा भया्धंगु नग्वारा जुल
म्हछिं तिल स्याः सहयाये मइिक
ल्हाःतुति पतिचिंक नग्वारां कल
न्हिलाभाय् हानं छकः ख्वःसःया कँ हाल ।
चाकःछ्रि न्ह्यसः — थ्व ५ु जूगु ? जूगु थ्व छु ?
लिसः थ्वयाच्वन — हिउपाः थ्व हिउपाः
न्हयसःया वा गात — थ्व गज्याःगु हिउपाः ? गज्याःगु थ्व हिउपाः?
लिसः चाकःलि पांपां म्हितल — हानं हिलेमाःगु हिउपाः
हिउपाः हनं हिलेमाःगु ।

कविया सफू हिलेमाःगु ह्यूपाः (११३२)पाखें ल्ह्ययागु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.