पाश्चात्य समालोचनाया सिद्धान्त पिदन

झीगु संवाददाता
किपू, कौलाथ्व तृतिया । कीर्तिपुर नगरपालिकाया मेयर रमेश महर्जनं थौं प्रा. नर्मदेश्वर प्रधानं च्वयादीगु पाश्चात्य समालोचनाया सिद्धान्त व नेपालभाषा एकेदमिया ख्वाःपौ नेवाः प्रज्ञाया निगूगुल्या या चिखि फ्यनादिल ।

किपाः विजय रत्न असंबरे

उगु ज्याझ्वया उलेज्या शताब्दी पुरुष सत्यमोहन जोशीं यानादीगु खः । ज्याझ्वलय् नवासें मेयरं एकेदमिया सभा हल बांलाकेत नगरपालिकां फूग ग्वहालि याइगु बचं बियादिल ।समालोचक डा. चन्द्रमान महर्जनं नेपालभाषा ख्यलय् माणिकलाल श्रेष्ठया समालोचनाया सिद्धान्त लिपा थ्व हे समालोचनाया सफू पिहाँ वःगु खः धयादिल ।

प्रा. प्रेमशान्ति तुलाधरं उगु सफूयात माःगु लेख रचना मालेगु ज्याया थःगु अनुभव कनादिल । ऐकेदमिया सदस्यसचिव मल्ल के सुन्दरं एकेदमिं थ्व दँय् याइगु थी थी ज्याझ्वया बारे जानकारी बियादिल । ज्याझ्वःया सभापतिया थासं चान्सलर चित्तरंजन नेपालीं एकेदमिं थज्याःगु सफू पिकायेखंगुया लसता प्वंकादिल ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.