ज्याथाय् अक्सिजन ग्यासं मिं नयाः करोडौंया क्षति जुल

 

झीगु संवाददाता
येँ, यँलाथ्व २ । थन ज्याथाया छखा छेँय् थौं सुथाय् न्हापां मि च्यानाः प्यंगू करोड बराबरया ध्यबा व सामान नष्ट जूगु दु ।

स्थानीय मनूतय्सं धाःकथं थन च्वंम्ह सुनिलमान स्थापितया मंगलबार सुथय् ४.३० बजे अचानक ग्यास सिलिण्डर च्यायेवं अन मि च्याःगु खः ।
व मिं अन हे अक्सिजन ग्यास सिलिन्डरया गोदाम दूगुलिं अन अपाय्च्वः मिच्याःगु खः धकाः स्थानीय जनतां धाःगु दु ।
लिपा व मि जःलाखःला गौतम तुलाधर र अजयरत्न स्थापितया छेँय् तकं थिल ।
सुथ न्हापां हे छगः धुंकाः मेगु ग्यास मूगु सः पिनेथ्यंक तायेदूगु खः ।
आःतक सुं मनू मदूगु वा घाःपाः जूगु जानकारी पित मवःनि ।

 

 

दरबारमार्ग प्रहरी वृत्तया डिएसपी दानबहादुर मल्लं स्थानीय संचार माध्यमयात बिउगु जानकारी कथं दक्व यानाः अन करिब १० करोड तका बराबरया क्षति जूगु दइ धकाः धाःगु दु ।

सुथय् ८ बजेतकया दुने दमकल, प्रहरी व स्थानीयवासीया ग्वहालि कयाः सि स्याःगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.