नेवाः व बुद्धधर्मया बारे निगू भाय्या सफू पिदन

झीगु संवाददाता
येँ, दिल्लाथ्व १४ । सताब्दी पुरुष सत्यमोहन जोशी व जनकवि दुर्गालाल श्रेष्ठ बुधबार नेपालभाषा व बुद्धधर्म च्वन्ह्याकेत नेवाःतय्सं छ्यगुपलाः (The Mission of the Newars) नांगु सफूया उलेज्या यानादिल । उगु ज्याझ्वः नेपाःया निंतिं फ्रान्सया काउन्सिलर आर्नो सम्पि नं उपस्थित जुयादी ।

 

उगु सफू फ्रान्सया डा. फ्रेडरिक मोरोन्भालं थःगु विद्यावारिधि शोधग्रन्थया आधारय् अंग्रेजीं च्वयादीगु अले उकियात विष्णु चित्रकार व सिचु चित्रकारपिसं भाय् हिलादीगु खः ।

 

सत्यमोहन जोशीं नेपालभाषा स बुद्धधर्म धइगु नेपाःया हे अमुल्य सम्पदा जूगुलिं थुकियात ल्यंकातयेत सकल नेवाःत न्ह्यज्यायेमाःगु अले थुकिया प्रचार प्रसार विश्व न्यंक जुइमाःगु खँ कनादिल ।

 

थम्हं सफू च्वयाया अनुभव कनादीगु झ्वलय् भाजु मोरोन्भालं थनया राज्य व्यवस्थायका कारण थनया समुन्नत जाति नेवाःतय्स्र क्रमिक रुपं थःगु भांभाय् त्वःता वनाच्वंगु यथार्थ खनाः उकिया अभिलेखीकरण नं जुइकथं उमिगु बुद्धधर्मया विशेषतायात ल्ह्वनाः सफू च्वयागु कनादिल ।

 

अनुवादक विष्णु चित्रकारं थ्व सफुतिं नेवाःतय्गु मांभाय्या आन्दोलनया विविध पक्षयात कयाः कुलातःगुलिं थ्व नेवाःतय्सं नं ब्वने आवश्यक तायाः अनुवाद यानागु खँ कनादिल ।

ज्याझ्लय् लुम्बिनी बौद्ध विश्वविद्यालयया उपकुलपति डा. नरेशमान वज्राचार्यं विदेशीतय्सं झीगु धर्मया अध्ययन याःवइबलय् उमित सत्यतथ्य कनाबिइमाःगु अले उमिसं च्वयातःगु गलत जानकारी दूगु सफूयात पुर्नलेखन यायेमाःगु खँ कनादिल ।

 

संघीय समाजवादी फोरमया सहअध्यक्ष राजेन्द्र श्रेष्ठ व नेपालभाषा एकेदमिया सदस्य सचिव मल्ल के सुन्दरनं नं नेपालभाषा व उकिया आन्दोलनया महत्वया बारे चर्चा यानादिल ।

किपा : राजेन

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.