धर्मादित्य धर्माचार्य हना व सिरपाः लःल्हात

झीगु संवाददाता
यल, ११३८ दिल्लाथ्व नवमि । झिंन्हय्क्वःगु धर्मादित्य धर्माचार्य सिरपा च्वमि देविचन्द्र श्रेष्ठयात व धर्मादित्य धर्माचार्य हना भाषासेवी साहित्यकार तिलक प्रकाश कायस्थयात थौं थन जूगु छगू ज्याझ्वलय् लःल्हात ।

मांभाय् पुचलं बिइगु यानाच्वंगु उगु सिरपाः व हना नेपालभाषाया अन्वेषक एवं साहित्यकार छत्र बहादुर कायष्ठं लःल्हानदिउगु खः ।

लिसें कायष्ठं उगु हे ज्याझ्वलय् प्रकाश शाक्यया बाखं सफू इमिगु छेँ स्यंकेमतेया चिखि नं फ्यनादिल ।

ज्याझ्वलय् नवासें ल्यज्या कवःया नायः डा. पुष्पराज राजकर्णिकारं वय्कःपिनिगु नेपालभाषा ख्यलय् दुग्यंगु योगदान दूगुलिं थुगु हना व सिरपाःनिंतिं योग्य दूगु खँ न्ह्यथनादिल ।

अथे हे नेपालभाषा केन्द्रिय विभागया नायः डा. ओमकारेश्वर श्रेष्ठं नेपालभाषा विभागया नां हिलेगु विषयय् सामाजिक संजालय् यक्व चर्चा जूगु व छपूचः भाषाप्रेमीपिन्सं ज्याकुथिइ वयाः नां महिलेत ज्ञापन पत्र बिउवःगु लुमंकाः आःयात उगु विभागया नां नेपालभाषा व नेवार स्टडिज तयेगु खँ जूगु कनादिल ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.