जापानय् खुसिबाः वयाः १२२म्ह स्वयाः अप्वः सित

झीगु संवाददाता
येँ, ११३८ तछलागा द्वादसि । जापानया पश्चिम लागाय् वंगु छुं न्हिनिसेंया लगातार वा वयाः अन खुसिबाः व चलः वयेवं आतक अन थ्यंमथ्यं १२२ मनूत सिइधुंकूगु दु । अले मेगु सछिम्ह स्वयाः यक्व मनूत तनाच्वन धइगु नं समाचार वःगु दु ।

सिएनएनं थौं मंगलबार सुथय् तकया दुने १२२म्ह सिइगु पुष्टी याःगु दु सा उकिया विस्तृत विवरण मवःनि ।
शनिबारनिसें अन खुसिबाः वयाः दकलय् यक्वे हिरोसिमा जिल्लाय् प्रभावित याःगु दु । व ध.ूका एहिमे, ओकायामा, ओशाका, सिगा, ह्योगो, यामागुची, कोची व फुकुओका जिल्लाय् नं थुकिं थःगु प्रभाव त्वःतूगु दु ।
ओकोयामाया् अन लःया स्तर कुहाँ वन धकाः धयाच्वंगु दु ।
अनया समाचार संस्था एनएचकें उवाजिमा शहरय् जक आइतबार सुथय् ५ ताइनिसें ७ ताइतकया दुने ३६४मिलिमिटर वा वःगु धाःगु दु ।


अनया मौसम बिभागया अधिकारीं थम्हं गबलें थपाय्सकं वा वःगु मखनानि धाल धकाः बिबिसीं धयातःगु दु । अनया सुरक्षा निकायया लिसें सर्वसाधारण जनतां नं थम्हं फुफुथे उद्धार यानाच्वंगु दु । आः अन लः बाःवनाः मुंगु ध्याचलय् दुनाच्वंपिं मनूत मालाच्वंगु दु ।
स्थानीय जनतां थथे अन गबलें वा मवःनिगु व थ्व आः वःगु खुसिबाः अनया ल्याखं ऐतिहासिक हे जूगु धकाः धाःगु दु । थ्व स्वयाः न्ह्यः सन् २०१४ अगस्टय् नं हिरोसिमा जिल्ला वा वयाः खुसिबाः ७७ म्ह मनू सिइगु धाःगु दु ।
जापानया सञ्चार माध्यमं अन थ्व विपत्ति वयेवं सरकार सजग व उद्धार यायेत न्हयचिउगु धकाः समाचार च्वःगु दु । थ्व हे झ्वलय् जापानया प्रधानमन्त्री सिन्जो आबेनं थःगु विदेश भ्रमण रद्द याःगु दु । थ्व इलय् व बेल्जियम, फ्रान्स, साउदी अरेबिया, ईजिप्टका आदि देसय् वनेगु लागि तयार जुयाच्वंगु खः ।

??@????????????????????????R??????q??~??s???????????V???????????O

थ्व प्रकोपं यानाः अनया रेल बस व मेमेगु यातायात अले सञ्चार न्हापं प्रभावित जूगु दु अले उद्योग व्यवसायया लिसें स्कुल कलेजया अध्यापनयात नं असर याःगु दु धकाः सञ्चार माध्यमं धयातःगु दु ।
थी थी समाचार एजेन्सीया ग्वहालिं

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.