चन्द्रमानया “कृति व दृष्टि” पिदन

झीगु संवाददाता
किपू, ११३८ तछलागा नवमि । नेपालभाषा केन्द्रीय विभागया पुलांम्ह नायः प्रा. डा. चन्द्रमान वज्राचार्यं च्वयादीगु समालोचना सफू “कृति व दृष्टि” थौं किपू नगरपालिकाया मेयर रमेश महर्जनजुया ल्हातिं विमोचन जुल ।

सफूया बारे प्रा प्रेमशान्ति तुलाधरं टिप्पणी यानादिल ।

नेपालभाषा एकेदमिया सदस्यसचिव मल्ल के सुन्दरं नेपालभाषा ख्यलय् समालोचना याइपिं म्हो जुल धासें समालोचकतसें कृतिया बांलागु पक्ष जक क्यनाबिइगु मयासें समग्र साहित्य ख्यःयात मार्गनिर्देश यायेमाःगु खँय् बः बियादिल ।

 

च्वमि डा. वज्राचार्यं थम्हं नेपालभाषा साहित्य ख्यलय् यानागु योगदानया चर्चा यासें समालोचना जुयाया अनुभव नं अन प्वंकादिल ।

ज्याझ्वलय् नेपालभाषा केन्द्रीय विभागया नायः डा. ओमकारेश्वर श्रेष्ठ व नेवाः राष्ट्रिय पत्रकार दबूया नायः श्रीकृष्ण श्रेष्ठया नं उपस्थिति दूगु खः ।

सफूया प्रकाशक अर्विन्द्रमान सिं खःसा ज्याझ्वःया आयोजना लहना मिडियां याःगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.