म्हगस दुनेया म्हगस (चिनाखँ)

– एडगर एलेन पो

थ्व चुप्पा का मिखाफुसिइ!
अले, आ: छलिसे बायाच्वंबलय्,
जितः थुलि धायेत ह्व:ता: बिउ-
छ गलत मखु, गुम्हसिया थ्व बिचा:
कि जिगु दिंत छता म्हगस जुयाच्वंगु दु;
अथेसां यदि आय् ब्वयावनेधुंकगु ख:सा
चछिं, बाय् न्हिछिं,
स्वयेदयेक, बाय् मखंक,
अथेजुया: व म्हो जक वंगु जुइला?
दक्व गूगु झीसं खनी बाय् खंथें च्वनी
व मात्र म्हगस दुनेया म्हगस ख:।

जि दने त:स:या दथुइ
ल: धालं दा:गु समुदर सिथया,
अले जिं काये जिगु ल्हा:या दुने
लुँथें फिग:त-
गुलि म्हो! अथेसां गथे बिसिवने फूगु
जिगु पतिंतं दुने दुने,
गूगु इलय् जि ख्वये- गूगु इलय् जि ख्वये!
हे भगवान्! जिं मुने मफइ ला
वइत अझ बल्लाक म्हुचिना?
हे भगवान्! जिं थये मफइला
छग: हे व कन्ना मदूगु ल:धालं ?
दक्व गूगु झीसं खनी बाय् खंथें च्वनी
व मात्र म्हगस दुनेया म्हगस ख: ला?

भाय्हिउम्ह- विजय दुवाल

https://www.poetryfoundation.org/poems/52829/a-dream-within-a-dream

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.