मुक्तक विधाय् नःलि लक्ष्मीदेवी सिरपाः

झीगु संवाददाता

येँ । नेपालभाषा साहित्य ख्लय् न्हूगु कथंया मुक्तक धेंधेंबल्ला यानाः बिउगु नःलि लक्ष्मीदेवी सिरपाः ११३८ लःल्हायेगु ज्याझ्वः थौं क्वचाल ।
उगु कथं उत्कृष्ट मुक्तककारकथं रोशनराज राजभण्डारी, ज्ञानीराजा मानन्धर व रासा अले हःपा कथं लुमन्ति चित्रकार व तेजकृष्ण श्रेष्ठ पुरस्कृत जुयादीगु खः ।
वय्कःपिन्त नेपाल ललितकला प्रज्ञाप्रतिष्ठानया प्राज्ञ रमेश श्रेष्ठं सिरपाः लःल्हानदिल ।

 

 

ज्याझ्वलय् नवासें मूपहाँ रमेश श्रेष्ठं नेपालभाषाया कविता तसकं थाहाँ वनाच्वंगु दु धासें मुक्तक ज्याझ्वलय् थज्याःगु उत्साहवर्धक ब्वति काःगु खनाः लय्ताःगु खँ कनादिल । लिसें थः नेवाः खयाः नं नेवाःभासं च्वये मफयाच्वंगु स्वीकार यासें लिपाया ज्याझ्वलय् नेवाः भासं च्वयागु रचना ज्वनाः दंवयेगु बचं नं बियादिल ।

 

पाहाँ सुनिल अधिकारीं मुक्तकय् दयेमाःगु विशेषताया बारे नवानादिल ।
सिरपाःया दाता एवं नःलि साहित्य दबूया नायः प्रदीपरत्न शाक्यं नेपालभाषाय् मुक्तक विधाय् च्वसा न्ह्याकीपिं तकसं म्हो जक दयाच्वंगुलिं उमित उत्साह बिइकथं थ्व सिरपाः तयागु खँ कनादिल ।

 

उगु प्रतियोगिताय् ब्वतिकाःपिं व मकाःपिं यानाः थ्यंमथ्यं स्वीम्ह हूपिं व पुलांपिं मुक्तककारपिन्सं थःथःगु रचना अन ब्वनाः न्यंकल ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.