भारतय् वा फय् वयाः थ्यंमथ्यं १००म्ह सित

झीगु संवाददाता ।
येँ । भारतया अद्वीतिय विश्व सम्पदा ताजमहल दूगु आगराया लिसें राजस्थान व उत्तर प्रदेशय् बुधबार धू ल्वाकज्याःगु वाफय् वयाः थ्यंमथ्यं सछिम्ह मनूत सिइगु दु ।

 

थुकिं यानाः राजस्थानया अलवर, भरतपुर, र ढोलपुरय् ३१ म्ह सित अले जनाको ज्यान गया आगराय् जक हे ३६म्ह सित । अथे हे उत्तर प्रदेशय् ६४ हताहत जुल । अथे खःसां थुकिया पुवंगु विवरण अझं मवःनिगु अले सिइपिनिगु ल्याः अझ अप्वइतिनि धकाः अनया अधिकारीतय्सं जानकारी नं बिउगु दु ।
अथे हे प्रतिघण्टा १३० किलोमिटरया गतिइ वःगु थ्व वाफसं ताजमहलया छगू मिनार न्हापं स्यंकूगु दु । अनया १२ फिट तजाःगु मिनार कुतुं वःगु दु ।

 

अनया मुख्यमन्त्री योगी आदित्यनाथं पीडिततय्त बांलाक राहत इनेत अले उकिया अनुगमन यायेत अधिकारीतय्त निर्देशन बिउगु दु ।

 

थ्व राज्यया लागय् धू दूगु वाफय् ला वइगु हे खः तर थपाय्जि मात्राय् वःगु अले उकिं मनूतय्त थुभनं प्रभावित याःगु धाःसा यक्व लिपा तिनि खः । अनया विपद व्यवस्थापन सचिव हेमन्त गेरां बीबीसीयात थ्व थासय् २० दँ दुने थुभनं वाफय् वःगु मसिउगु धाःगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.