चकनेत स्वस्वं (चिनाखँ)

पूर्ण वैद्य

लः थः पित्तथें हे सालु थजु

अथेनं वंसर्गःया अनन्त जाः ब्वयाच्वनी

सर्गःया छगु च्वः वं ज्वना हे च्वनी

सखेसर्गःया जाः वंनिसें हे शुरु जूगु खः

पःखाः पंगलं कयेकुकुं

सलिंचा छि जक हे चकनाच्वनेमाःसां

अन नं वं सर्गःया विशालता ब्वया हे च्वनी

 वया छगू सि वं थिया हे च्वनी

 सखेव थः हे वया छगू हिस्सा खः

ल्वहँ अप्पां कयेकाः सुनां

वया सर्गः चुंचुं थया 

अथे नं वं थःगु उत्तेजित लबुतय्त हे तितियायां 

पलख लिपा हानं वं सर्गःया विशालता स्वाइ

 वया सत्यता म्हछिं ल्ह्ययाकाइ,

 वया हे उनय् व थः प्याइ

सखेव हे सर्गःया सत्वया साक्षी खः।

लँय् थस्वयाः जुइमफुपिन्त,

बखुनं थें पपू चकंकाःथःगु हे ल्हातिं सर्गः तुयाकाये मफुपिन्त

वं सर्गः थःगु मुलय् चकंकाः बँय् ब्वयातइ

थःगु हे ख्वाः तंकाः माःवक्वसित

न्ह्यागुं रुप थानाकायेगु कार्वन भ्वंथें

  वं वया रुपसत्यया विम्ब थानाः म्हसिका बिइ

गबलय्,

तःच्वःगु वाफसय्भचा डगमगेजूसां व

अन्ततः न्ह्याथाय् न्ह्यागुं अवस्थाय् नं

लखं थः न्ह्यःनेया सत्य दुःख प्रतिविम्बित याइ 

सदां व सत्यया हे अनन्य साक्षीथें।

साभार नेवाः पौ

 

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.