रत्नराज्य क्याम्पय् नेपालभाषा ब्वंकेत अस्वीकार

रीदेन महर्जन

येँ ।

अन्तरराष्ट्रिय मातृभाषा दिवसया झ्वलय् थन या अार अार क्याम्पसय् विद्यार्थीपिन्सं तःगु अन हानं नेपालभाषा ब्व‌ंकेमाःगु मागयात अनया प्रशासनं अस्वीकार याःगु दु ।

हलिं न्यंक थीथी साहित्यक महोत्सव न्ह्याकाः हलिं मातृभाषा दिवस हंगु खः । थ्व हे झ्वलय् थनया आर अार क्याम्पसया ब्वमिपिसं धाःसा मां भाय् यात म्वाकेगु नितिं ब्यागलं कथंया अभियान कथं  क्याम्पसय् हानं नेपालभाषा दुथ्याकेत अभियान न्ह्याकूगु दु ।
मां भाय् ह्यःमिपिं ब्वमिपिनिगु छगू पुचलं  अन नेपालस भाषा दुथ्याकेत आर. आर. क्याम्पस ब्वमिपिं मुना इतिहास केन्द्रीय विभागया प्रमुखलिसें क्याम्पस सहायक डा. दोलराज काफ्लेयात पौ लः ल्हानादीगु खः । तर उगु पौयात अस्वीकारयासें नेपाल भासा ब्वंकेत नं करिब १०/१५ म्ह ब्वमिपिं दत धाःसा जक नेपाल दुथ्याकीगु जुइ धकाः निराशा जनक लिस बियादीगु  अनया विद्यार्थी पुचःया प्रतिनिधिं धाःगु दु ।
विद्यार्थीपिनि धापुकथं अन इतिहास विषय कयाः ब्वनाच्वंपिं सिबें नेपाल भाषा कयाः आखः ब्वनेन्ह्याःपिं तुलनात्मक रुपय् ब्वमिपिं न्ह्यय्म्ह च्याम्हति ब्वमिपिं दु तर इतिहासय् निम्ह स्वम्ह जक ब्वमिपिं दुसां नं इतिहास विषय धाःसा आखः ब्वंका च्वंगु दु । 
अनेतने कविता महोत्सव, साहित्य ज्याझ्वः, यायेगु स्वयाः नं थीथी क्याम्पस, कलेज, ब्वनेकुथिइ नेपाल भाषा दुथ्याकेत पहल यासा जक मां भाय्यात विशेष सम्मान जुइगु लिसें झीगु मां ल्यंकेत तिबः बिइगु अले थ्व खँय् सम्बन्धित निकाय पाखें नं ध्यान बिइमाःगु थुगु क्याम्पसया ब्वमि इन्द्रमान महर्जन जानकारी बियादीगु दु ।
थगु स्वदँ प्यदँ न्ह्यः तक्क नेपालषा विषय दुगु खः । न्हापा थन जनक नेवाः व पुष्प  चित्रकार व मेमेपिन्सं नेपालभाषााया प्रमाणपत्र तह व स्नातक तहया अध्यापन जुयाच्वंगु अले  विद्यार्थी पिन्सं सुकुन्दा साहित्य पाःलाः चायेकाः दँपौ तकं पिकायेगु यानावयाच्वंगु खः ।
लिपा वयाः ब्वमिपिं झं झं म्हो जुया वनाः पुलांम्ह शिक्षक लिसें पाटन क्याम्पस नेपालभाषा केन्द्रीय विभागया पुलांम्ह प्रमुख तक्क जुयादीम्ह डा. चन्द्रमान बज्राचार्यं अन ब्वंकेगु हे त्वःताःदीमाःगु नं जानकारी बियादीगु खः ।
झीगु स्वनिगःपाखें

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: