बंगलादेश राजदुतावासय् कवि गाष्ठी

झीगु संवाददाता

येँ ।

विश्व मातृभाषा दिवसया लसताय् बंगलादेश राजदुताबास व नेपालभाषा परिषद्या मंकाः ग्वसालय्  १९ क्वःगु बहुभाषिक कवि गाष्ठी  जूगु दु ।

 

थुगु कवि गोष्ठीइ नेपालभाषाया लिसे‌ नेपाली, अवधि, तामाङ्ग, गुरुङ्ग, राई भाषाया चिनाखँ ब्वनेगु ज्यानं जूगु खः । ज्याझ्वलय् कविपिं नां प्रतिसरा साय्मि, रजनी मिला, नारद बज्राचार्य, सुधिर ख्वबी, बंशीधर बज्राचार्य, दिब्या ताम्राकार लगायतयापिसं चिनाखँ ब्वनाः न्यंकादीगु खःसा ।  ज्याझ्वलय् महामहिम राजदुत मासेफे पाखें ज्याझ्वलय् ब्वतिकयादीपिं सकलसित लसतापौ लःल्हानादीगु खः ।

 

अन्तय् महामहिम पाखें परिषद्या छ्याञ्जे चित्रकारयात स्वां लःल्हानादिसें नेपालभाषा परिषदं नेपालभाषा ख्यलय् यानाच्वंगु योगदानया नं प्रसंसा यानादिल ।नेपालभाषा परिषद्या छ्याञ्जे नविन चित्रकारं ज्याझ्वः न्ह्याकादीगु खः ।

 

बंगलादेश राजदुतावासया प्राङ्गणय् जूगु उगु ज्याझ्वलय् थीथी देय्या महामहिम व बरिष्ठ पाहाँपिसं ब्वति काःगु उगु ज्याझ्वलय् बंगलादेशया महामहिम मासेफे विन्त श्यामं लसकुस न्वचू तयादीगु खःसा बंगलादेशया बरिष्ठ संगीतकार पाखें बंगाली म्य न्यंकूगु खः ।


बुखँ व किपा साभार : नविन चित्रकार / नेवाः सुचना केन्द्र

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.