ख्वनाय् साहित्यिक ज्याझ्वः जुल

झीगु संंवाददाता

ख्वना, यल, ११३८ सिल्लागाः १० । द्वादस साहित्य श्रृजन अभियानया न्हापांगु साहित्यिक ज्याझ्वः कथं लिधंसा पासा पुचः व नःलि साहित्य दबूया ग्वसालय् थौं थन छगू साहित्यिक गोष्ठी व नेवाः व्यक्तित्व हना ज्याझ्व जुल ।

ज्याझ्लय् येँ, यल व ख्वपयापिं साहित्यकारपिन्सं थःथु चिनाखँ, म्ये, बाखं व निबन्ध ब्वनाः न्यंकल । ज्याझ्वलय् बुद्ध नेवाः, राजभाइ जकःमि, शौरभ शाक्य, लगायतया साहित्यकार भाजुमय्जुपिनिगु सहभागिता दूगु खः ।

ज्याझ्वलय् नवासें नःलि साहित्य दबूया संरक्षक नरेशवीर शाक्यं आः स्थानीय सरकारय् झी थःमनूत थ्यंगुलिं वय्कःपिन्सं नेपालभाषा साहित्य व संस्कृतिया विकास यायेत बजेटया व्यवस्था यायेमाःगु धयादिल ।

ज्याझ्वलय् यल महानगरपालिकाया मेयर चिरिबाबु महर्जनं ख्वनाया समाजसेवी देवबहादुर डंगोल व कलाकार श्याममोहन खोकनायात हंगु खः ।

थज्याःगु ज्याझ्व दछियंक लय्लय् पतिकं स्वनिगःया जःखः लाःगु नेवाः बस्तिइ जुइगु अले अनया स्थानीय च्वमिपिनिगु रचनायात फयांंफक्व दुथ्याकेगु कुतः जुइ धकाः आयोजकं धाःगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: