भम्चाया कुमारीत्व जाँचेयायेगु चलनया विरोध

सुजाता श्रेष्ठ
मिजंत न्ह्याथे जूसां मिस्त इहिपाया इलय् कुमारी हे जुइमाः अथवा वं न्हापा यौन सम्बन्ध मतःनिम्ह जुइमाः धइगु आशा यायेगु चलन संसारय् न्ह्याथासं हे दइ । उकिसं भारतीय उपमहादीपय् थ्व भचा यक्व हे । अले अनया कट्टर मिजंतय्सं थःथाय् इहिपा यानावःम्ह भम्चा अथे कुमारी मखुम्ह लातकि इहिपा हे त्वाथलेत तकं लिफः स्वइमखु । थ्व झीगु धर्म संस्कृतिया दुखद पक्ष खः ।

 

लिबाक्क हे जूसां भारतय् छथ्व युवातय्सं अन मिस्ततय्त इहिपाबलय् कुमारीम्ह खःमखु धकाः जाँचेयायेगु परम्पराया विरोधया ज्या न्ह्याकूगु दु ।

 

उमिसं आः अन ह्वाट्सएपय् अज्याःगु जाँचया विरोध यायेगु पुचः दयेकाः उमिगु सकभनं उकिया विरोधय् सः थ्वयेकेत आह्वान याःगु दु ।

अले टाइम्सनाउन्यूजया लिपांगु समाचार कथं अन थ्व अभियानया विराेध जुयाच्व‌गु दु अले थ्व पुचःया स्वम्ह दुजःपिन्त व हे समुदायया मनूतय्सं धाःगु धैगु जानकारी नं वःगु दु ।

उमिगु चलन अनुसार, गामय् इहिपा जुलकि न्हापांगु चास्वयाः न्हयः अनया पञ्चायतं उपिं द्यनीगु लासाय् तुयुगु कापः तयाः तयावनी । कन्हय्सुथय् यदि व कापतय् हि चातः दुसा व मिसा कुमारी धकाः जाँचय् पास जूगु प्रमाणित याइ ।

 

आउटलूक वेभय् प्रकाशित समाचार कथं उमि स्थानीय गांया पञ्चायतं हे इहिपा जूगु छेँय् वयाः न्हापां द्यनीगु बहनी भम्चा द्यनीगु लासाय् तुयुगु तन्ना लानाथिकी । यदि व तन्नाय् हि चातः किनाच्वंगु दतसा वं परीक्षा पास याःगु ठहर जुइ ।

 

थ्व प्रथाया विरुद्ध पुणेया छथ्वः युवातय्सं कुमारीत्व जाँच प्रथा दिकि( स्टप दि भि रिचुवल / Stop the V Ritual ) नांगु पुचः दयेका थ्व इहिपा जूगु चान्हय् भौमचाया कुमारीत्व जाँचेयायेगु कुप्रथाया विरुद्ध जनचेतना थनेगु ज्या न्ह्याकूगु खः । अले उमिसं थ्व प्रथा संविधान विरुद्ध व गैरकानूनी खँ धकाः प्रहरी ज्याकुथिइ निवेदन नं तयेधुंकल ।

 

विशेषरुपं अनया क्ञ्जरभाट समुदायय् दूगु उमिगु चलन कथं अथे तन्नाय् हि किनाच्वंगु मन्त धाःसा व मिसायात इहिपा न्हापा हे शारीरिक सम्पर्क तयावःम्ह धैगु आरोप बिइ । अले थज्याःगु परीक्षा मिसाया अनुमति मदयेक हे यानावयाच्वंगु दु ।

 

थ्व दिकेमाःगु जुयाः हे जिपिं बिचाः मिलेजूपिं छपुचः थ्व हे समुदायया मनूत मिलेजुयाः थ्व ज्या न्ह्याकागु खः अले थुकिया लिच्वः नं सकारात्मक हे वयाच्वंगु दु, पुचःया नायः अले मुम्बइलय् टाटा इन्स्टिच्युट अफ सोसियल साइन्सया विद्यार्थी विवेक तमाइचेकरं धाल ।

 

वं धाल, थन च्वंपिंके थ्व धइगु जिमिगु परम्परा जूगुलिं यायेमा, मखुसा मिस्त स्यनावनी धइगु बिचाः दु । जिमिसं जनचेतना फैलेयानाः थुकिया विरोध यानाच्वनागु दु धकाः नं वं कंगु दु ।

 

अले टाइम्सनाउन्यूजया लिपांगु समाचार कथं अन थ्व अभियानया विराेध जुयाच्व‌गु दु अले थ्व पुचःया स्वम्ह दुजःपिन्त व हे समुदायया मनूतय्सं धाःगु धैगु जानकारी नं वःगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.