वर्ल्ड नेवाः अर्गनाइजेसनया चुनाव स्थगित

झीगु संवाददाता

येँ, पोहेलाथ्व खस्ति । नेवाःतय्गु छगू अन्तरराष्ट्रिय संस्थाया छगू कचा जक जुयाः नं चर्चाय् वयाच्वंगु हलिं नेवाः दबू (वर्ल्ड नेवाः अर्गनाइजेसन)या नेपाः देय्या मू कवःया निक्वःगु तःमुज्ँयाः आखिरय् न्हूगु नेतृत्व महसे क्वचाःगु दु ।

निक्वःगु तःमुँज्याय् अध्यक्ष पदया लागि चुनाव जुइगु अवस्था वयाच्वंबलय् छगू पक्षं आर्थिक प्रतिवेदनया कपि मगाःगुयात कयाः विरोध यानाः ई वंगु कारणं चुनाव लिछ्यायेमाःगु खः कार्यवाहक अध्यक्ष शाक्य सुरेनं झीगु डटकमयात कनादीगु दु ।

“चुनाव हे. यानाः आधिकारिक नेतृत्व क्वःछियेगु योजना दूगु खः । तर विरोध जुयेवं खँ तःहाकः जुल । नियुक्त यानातयाम्ह वकील नं पिहाँ वनेमाःगु आदि कारणं कार्यसमितिया मुँज्या च्वनाः चुनाव लिछ्यानागु घोषणा यायेमाल,” शाक्यं धयादिल ।

आः चुनाव गबलय् जुइधइगु खँ क्वःमजिउनि ।

व स्वयाः न्ह्यः तःमुँज्याया उलेज्या सत्रय् शताब्दी पुरुष सत्यमोहन जोशीं नेवाःतय्गु न्हूगु पुस्तां भाय् त्वःतावंगु अले उमि मांबौया नं थः मस्तय् मांभाय् मल्हाःसा जिउ धइग्ु चिन्तनं संसारय् तःगु भाय् थें नेवाःभाय् नं तनावनीगु अवस्था वयाच्वंगुप्रति चिन्ता व्यक्त यानादिल ।

सांसद राजेन्द्र श्रेष्ठं नेवाःतय्गु आन्दोलन यक्व न्ह्यःनिसें न्ह्यानावयाच्वंसां न्हापा भाषिक जागरण व साहित्य सेवा पाखेजक केन्द्रित जूगुलिं राजनीतिक परिवर्तन उलिमछि जुलनं नेवाःतय्सं उकिया लबः कायेमखंगु खँ कनादिल ।

किपा : राजेन

ज्याझ्वलय् गणेशराम लाछी पुष्कर माथेमा व मेमेपिन्सं न‌ं थःगु नुगःखँ तयादिउगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.