मंकाः धुकू सहकारीया दँमुज्याय् लिपि गुथियात तिर्थहिरा सिरपाः

झीगु संवाददाता
येँ, पोहेलाथ्व प ञ्चमि । नमंकाः धुकु बचत तथा ऋण सहकारी संस्थाया झिक्वःगु दँ मुज्याया झ्वलय् शुक्रबार जूगु ज्याझ्वलय् नेपाल लिपि गुथियात तिर्थ-हिरा सिरपा: लः ल्हात ।
भाषा सेवी भाईराजा तुलाधरं थः मां अबुया नामं निस्वनातःगु उगु सिरपाः गणेश सायमिं लिपि गुथिया नायः निरञ्जन ताम्राकारयात लःल्हाःगु खः । उकिइ सिरपालय् स्वीद्वः तका दां व हनापौ दुथ्याः ।
सिरपाः काये धु्काः गुथिया नायः निरन्जन ताम्राकारं नेपाल लिपिं यानाच्वंगु ज्याया कदर जूगुलिं लसता प्वंकादिल ।
ज्याझ्वलय् नेपालभाषा एकेदमिया सदस्य सचिव मल्ल के. सुन्दरं सिरपाःया घोषणा यानादीगु खः । वय्कलं उगु ज्याझ्वलय् नेपालभाषा मंकाः खलःया पृष्ठभूमि बिसें मंकाः धुकुतिं नेवाःतय्त आर्थिककथं सबल दयेकेत ग्वहालि यानाच्वंगु खँ लुमंकादिल ।

उगु ज्याझ्वः धुकूया नायः बालकृष्ण प्रजापतिया सभापतित्वय् जुगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.