“झीगु भूमी झीगु अधिकार, झीगु लागि नेवा: अभियान”

झीगु संवाददाता

येँ पोहेलागा पञ्चमि ११३८ । नेवाः अादिभूमिइ  नेवाःत हे विस्थापित जुइकथंया एकतर्फी कथं सरकारं न्ह्याकाच्वंगु सडक विस्तार व उकिया लिच्वयात कया शनिबार येँय् सडक विस्तार पीडित व अादिवासी अधिकार अभियन्तातय्गु दथुइ छगू अन्तरक्रिया जुल ।

उगु ज्याझ्वलय् ” झीगु भूमी झीगु अधिकार, झीगु लागि नेवा: अभियान ” बिषयस ज्यापौ न्ह्यब्वयगु ज्या जुल ।

 

उगु ज्याझ्वलय् सडक आन्दोलन बिगत व बर्तमानया विषयलय् सुमन सायमि, नेवा: त छाय् आदिवासी ख: या विषयलय् भिम राई, नेवा: बिरुद्ध अतिक्रमण व बिद्रोहया विषयलय्  शंकर लिम्बू, नेवा: एकता थौंया आवश्यकताया विषयलय् जितेन्द्र बज्राचार्य, नेवा: एकता बर्तमान व आगामी दिनया विषयलय् डा. कृष्ण ब. भट्टचन, नापं सडक बिस्तार असर समस्या व चुनौतिया बारे बिमल श्रेष्ठं थःगु नुग:खँ तयादिगु ख: ।

 

नेवा: न्ह्यलुवा पिन्सं नं ब्वतिकाःगु उगु ज्याझ्वलय् नेवाः संघसंस्थां आ: झीगु अधिकारया निंतिं थ्व मुद्दायात सशक्त रुपं न्हयाकेमाःगु अनया सहभागिपिन्सं माःगु याःगु दु ।

 

उगु ज्याझ्वः सडक बिस्तार पिडित संघया संयोजनय् नेपाल आदिबासी मानव अधिकार सम्बन्धी वकिल समुह ( LAHURNIP) या ग्वसालय् जूगु खः ।

किपा अमर वज्राचार्य

 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.