मानन्धर व्यक्तित्वपिं सम्मानित

झीगु संवाददाता

पोहेलागा चतुर्थि, ११३८ । केन्द्रीय मानन्धर संघं थौं थःगु ख्वीन्याक्वःगु पलिस्थादिं थी थी व्यक्तित्वपिन्त सम्मान व सिरपा द्यछानाः हन ।

 

ज्याझ्लय् उप सभापति बद्री नारायण मानन्धरं नेवाःतय् दुने नं विशेष यानाः मानन्धर समुदायं नेपालया समाज व नेवाः धर्म संस्कृतिया जगेर्ना यायेत यानावयाच्वंगु योगदानयात लुमंकादिल । अले मानन्धरतय्त उकथं हे छपँ जुयाः समाज व देय्या सेवाय् थःत पानादीत नं इनाप यानादिल ।

 

देय् थकालि ललितमान मानन्धरं थौं नेपालभाषा साहित्य अले अंग्रेजी अध्यापनय् थःगु जीवन पानाच्वनादीम्ह उपन्यासकार मथुरा साय्मियात प्रबुद्ध व्यक्ति कथं हन । च्वमि राजेन मानन्धरया वय्कःया नियात्रा सफू बुनाः त्याःपिंया लागि मथुरा साय्मि सिरपाः लःल्हात । च्वमि कामना मानन्धरयात साः व साय्मि नांगु निबन्धया निंतिं शेरलक्ष्मी, लक्ष्मी बहादुर महालक्ष्मी सिरपाः लःल्हात ।

 

लाय्कूसाः मानन्धर समाजया थकालि तीर्थ नारायण मानन्धरयात मोहनलाल खिं मानन्धर सिरपाः व बनेपा जापालि गुथिया नायः जगत नारायण मानन्धरयात मोहनलाल खिं मानन्धर ल्याय्म्ह सिरपाः लःल्हात ।

 

अथे हे थुगसिइ मिस डीफ एसिया जूम्ह सुरभि मानन्धर व मिस लिटिल नेवाः जूम्ह जेनी मानन्धरयात नं अन हन ।

 

उगु हे कथं थुगुसिइ मानन्धर समुदायं पिएचडि, एमबिबिएस, झिगू व नितगिं अले एसइइ तगिमय् ताःलापिन्त नं अन हनेगु ज्या जुल ।

 

वथें हे थ्व हे लसताय् जूगु शम्भुमान ककाभाइ बसुनधरा लुमन्तीकोषपाखें जूगु याकः मचा म्ये धेंधेंबल्लाकासाय् व टेबलचेस, टेबलटेनिस, मचा ब्वाज्या ताः लाःपिन्त सिरपाः व दसिपौ नं उगु हे झ्.वलय् इनेगु ज्या नं जुल ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.