असंमरू दबुलिइ नेवाः मरूगु जात्रा

– गौतम मानन्धर

च्याकोःगु नेवाः एकता दिवसया हुनिं जि नं छम्ह नेवाः जुयाया नातां थःगु पलाः असंपाखे हाकुतिना। असनय् थ्यन, ततः ग्वःगु आखलं “नेवा एकता दिवस” च्वइतःगु ब्यानर खना, १०० गूति मेच लाइतःगु खना, असंदबूया लिक्क मेगु दबू दयकातःगुनं खना, दबुलिइ नेवाःहस्तित नं खना, झिलिमिलि नेवाःध्वाँयत नं खना, मेचय् चोनाचोंपीं ध्वाँ नेवाःतनं खना,,,,,,,व हे मेचय् च्वनाच्वंम्ह छम्ह ध्वां जि थःत नं खना ।

सछिगू मेचय् न्येम्हति मनूत फ्तुयना च्वन,,,,,,,,उके १५म्हती खयत नं खन, सछिम्हति दनाः कालकुल हालाचोन,,,,,, निना सोइबले अननं ६०म्हति नेवाःत दैचोन,,,,,मुक्क नेवाः श्रोतात अन सच्छिम्हति दइथें च्वन,,,,असं बजारय् मनू साइकल रिक्सा गाडी व बनेज्या नं सुबिस्थां न्ह्यानाच्वोन,,,दबुलिइ च्वंपिं नेवाःनेतातसें ससंकित् जुयाः छचाःखेरं स्वइच्वन । जि नं वनेला च्वनेलाभनं मेचं जिगु प्यं लुचु लुचु दनाच्नव,गुलि नेवाःअन थ्यन गुलि बिस्यूंवन आयोजक तयगु मिखाँ मखन।

थुकथं “0”एकताया दथुई नेवा एकताया भाषण सुरू जुल…!

विशेष यानाःस्वम्ह नेवाःपात्रतसें नेवाः एकताया धें धें बल्ला म्हितल ।
(१) एमालेपाखें त्याना झाःम्ह विशेष पाहाँ कथं ब्वोनातःम्ह भाजु जीवन राम श्रेष्ठ पाखें उजं जुल : “झीगु दक्को मागत पुवन,आः मगाः मचाः छुं हे मन्त,आःझी बिका; व सम्बृद्धिइ न्ह्यांवनेमाल नेपाल मण्डलया लागी सःतये ..” आदि इत्यादी धासें थःगु खँ क्वोचायकादिल।

मेम्ह काङग्रेसं त्याकाः झाःम्ह झीगु रक्षा कवचय् दीम्ह भिमसेन दासजुं धयादिल : ” झीगु असंयात ततःजागु छेँ मखु , झीगु मौलिक स्वोरूपय हयेगु जिगु योजनादु । नेवातयके राजनैतिक चेतना मरू, मङ्काखलकं नेवाः तयके राजनैतिक चेतना संचार यायेमफुत उकेंहे झी नेवाःत ल्यूने लानाच्वोङ्गु दु । पद्म रत्न, मल्ल के सुन्दर लगायत पिनिगु अकर्मन्न्यता हे नेवा तयके राजनैतिक चितना मवःगु धैगु गम्भीर द्वपं वयकलं बियादिल।

(३) अले मंकाः खलःया प्रतिनिधि पात्र, झी नेवाः तयगु पहिचान व राज्यप्राप्तीया प्रखर बक्ता जुयाः न्हयलुयादीम्ह मल्ल के सुन्दर जुयागु पाः वल । मङ्का खलः व नागरिक समाजयागु सकृयताय हे नेवाःतसें साहादत प्राप्त यागुनिसें देसय् गनतन्त्र वःगु वकालत यानादिल। भिम्सेन दास जुयात कताक्ष यासें… अाः वय्कलं हे झीगु राज्य हयेगु बाकिगु भाला कयादी धकाः भाला बियादिल।

थुकथं सच्छिम्ह ति नेवाःपुचलय् नेवाःएकता दिवस कोचाल ।

छितः गथे ताल ? लिच्वः बियादीत इनाप।

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: