मचा मानन्धर प्रतिभा सिरपाः क्वःजित

झीगु संवाददाता
पोहेलागाः त्रियोदसि, ११३८ । मानन्धर समुदायया मस्तय्गु म्ये हालेगु प्रतिभा ब्वज्या यानाः थौं शम्भुमान (काकाभाई)–बसुन्धरा लुमन्ति सिरपाः क्वःजित ।

थौं जूगु उगु मचा म्ये धेंधेंबल्लाः कासाय् लुँस्वां मानन्धर न्हाप, सन्देश मानन्धर लिउ अले प्राप्ति मानन्धर लियांलिउ जूगु दु ।

नेवाःभाय्या म्ये हालामि कविता जोशीं उगु निर्णय न्यंकादीगु खः । थ्व निर्णय वय्कया लिसें ललिता मानन्धर व निशा देशार दूगु समितिं क्वःछिउगु खः ।

केन्द्रीय मानन्धर संघया ६५ दँ बुन्हिया लसताय् शम्भुमान (काकाभाई)–बसुन्धरा लुमन्ति सिरपाः समिति पाखें झिंन्यादँ क्वय्यापिं मस्तय्गु दथुइ मचा म्येँ धेंधेंबल्लाः कासाया आयोजना याःगु खः । उकिइ ब्वतिकाःपिं च्याम्ह मस्तय्सं थौं जगतसुन्दर ब्वनेकुथिइ याःगु प्रस्तुतिया आधारय् अन हे निर्णायकपिन्सं उगु लिच्वः बिउगु खः ।

ने.सं ११२० निसें हुला प्याखं, वाद्यवादन, अभिनय, गायन आदि थीथी विधाय् (थुगुसी ६५क्वःगु केन्द्रीय मानन्धर संघया बुन्हीया लसताय् ) संघया ग्वसालय् शम्भुमान (काकाभाई)बसुन्धरा लुमन्ति मचा प्रतिभा सिरपाया आयोजना यानावयाच्वंगु आयोजक मध्ये छम्ह प्रतिसरा साय्मिं धयादीगु दु ।

2 thoughts on “मचा मानन्धर प्रतिभा सिरपाः क्वःजित

  • December 31, 2017 at 10:34 am
    Permalink

    लसहना ! भिंतुना !! लुँस्वा‌ं, छिगु पला:पतिं थासय् लायेमा !!

    Reply
  • March 6, 2018 at 7:21 am
    Permalink

    सायमि मचा सिरपा
    ———————-
    जोजलपा सकलसित, मानन्धर संघया थीथी ज्याझ्व: जुया च्वंगु दु । उकिइ मध्ये स्कुलय् (नर्सरी निसें 5गू तगिं तक) नेपालभाषा ब्वनिइपिं सायमि मस्तयत सिरपा (सम्मान) बिइगु छगू ज्याझ्व: नं दयेकेगु पायछि जुइ ताया । थथे जुइबलय् मस्त व अभिभावक पिनि दथुइ नेपालभाषा प्रति आकर्षण अप्वयेफु । तुकिं नेपालभाषायात थपू हे याइ ।

    मस्तयत बीगु सिरपाया दां ५ द्व: निसें १२द्व: तकया दु । मानन्धर संघ स्वयमया कोष अथवा थीथी दाता तयेगु नामं सिरपा बी फइ ।
    —————–

    जिमिसं उराय् समाजय् नं थथे यानागु दु ।

    नेपालभाषा ब्वनिइपिं उराय् मस्तयत थुगुसि निसें सिरपाया ब्यबस्था याना गु दु । न्हापा एसएलसिनिसें एमए तकया नेपालभाषा विद्यार्थीयात जक बीगु याना त:गु ख:, तर एसएलसिनिसें एमए तक नेपालभाषा ब्वंपिं मदुगुलिं झन नकारात्मक मेसेज वन । नर्सरी – ५गू तगिंया दथुइ धा:सा नेपालभाषा ब्वनिइपिं मस्त दु । उकें इमित सम्मान यायेगु याना ।
    —-
    छुं प्राबिधिक सल्लाह मा:सा नेवा: बस्ती नेवा: स्कूल अभियान नाप सहलह याना दी फै ।

    सुभाय् – जय मांभाय् ।

    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.