रिमोट तन कि छु यायेगु ?

जीत कुमार
छि न्ह्याथाय् दीसां छितः फुर्सद दतकि थःगु ल्हातिइ तयेमास्ति वइगु चीज धइगु टिभीया रिमोट कन्ट्रोलर हे जुयाच्वनी । छेँय् नं सखे थ्व हे जुइ दकलय् दक्वस्यां थःगु ल्हातिइ तयातयेमास्ति वइगु । अले ल्वापुहे नं जुयाच्वनी, रामकृष्णया म्येय्थें । अथे जुयाःहे जुइ न्ह्याथाय् नं रिमोट तनाः हैरान जुयाच्वनीगु ।

आः थ्व हे समस्यायात ज्यंकेत जुइ, रिमोट कन्ट्रोलर तनकि लुइकेगु न्हूगु सामान नं पित वःगु दु । थ्व थः हे ला लितुलिनाः छिगु ल्हाःतिइ च्वंवइमखु, तर छिं सुचं बिल धायेवं थ् वगन दु धइगु छिं सिइ । मगाःला उलि दःसा?

थ्व धइगु छगू चिकीधंगु बट्टाचा जक खः चिकीचा हे धंगु स्पीकर नं दुगु । थुकिइ छगू विशेषगु भ्वाइस सेन्सर तयातःगु दइ । थुकियात छिं थःगु रिमोटय् तिकादिसँ । अले थुकिया नापं छितः छगू सुलि नं वइ । थ्व विशेष सुलि पुयादिलकि न्हयाथाय् जूसां छिगु रिमोटया सेन्सरं पिंपिं यानाः हालाहइ । अले छिं थःगु रिमोट यात न्या लाःथें लानाकाये फइ ।

थ्व ला ठिक हे जुल । तर हानं व सुलि नं तनकि धाःसा मेगु फसाद ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.