राष्ट्रिय सभा गठन धुंकाः जक सरकार हिलीगु : पौडेल

झीगु संवाददाता

येँ, थिंलागाः आमइ, ११३८ । चुनाव जुइवं हे सरकार हिली धकाः मतिइ तयाच्वंपिन्त नेपाली कांग्रेसया वरिष्ठ नेता रामचन्द्र पौडेलं अथे मजुइगु संकेत बियादीगु दु ।

पौडेलं थौं तनहुँया थी थी थासय् आइतबार थः मतदातातय्त सुभाय् बिइगु ज्याझ्वलय् नवासें राष्ट्रिय सभा गठन जुयाः संसदं पूर्णता मकाःतले कांग्रेसले सरकार मत्वःतीगु खँ कनादीगु दु । राष्ट्रियसभा गठन मजूतले संसद पूर्ण मजुइगु पौडेलया तर्क दु ।

वय्कलं धयादिल, ‘नेपाली कांग्रेसं हरेक संक्रमणकालयात व्यवस्थीत याःगु दु । संविधानकानुन व प्रक्रिया मदयेक कांग्रेस थज्याःगु जिम्मेवार पार्टीं देय्यात अलपत्र त्वःतावनीमखु ।’

तनहुँया थी थी गामय् सुभाय् बिइगु ज्याझ्वलय् पौडेललिसें प्रदेशसभाया कांग्रेस उम्मेदवार नेता गोविन्द भट्टराई, समानुपातिक उम्मेदवार पूर्णवहादुर गुरुङ, सरिता गुरुङ व मेमेपिं नं सहभागी जूगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.