भाःतया मतिनाय् १०,००० माइल

सम्पूर्ण कुमार थिके

कलाःभाःतया मतिनाया बाखं न्ह्याक्व कंसां सिधइमखु । अमेरिकाया कोलोराडो धइगु थासये छम्ह ८८दँ दुम्ह मिसां थः मदयेधुंकूम्ह भाःतया मतिनाय् १०,००० माइल न्यासिवनाः क्यनाबिल, वया निंतिं भाःतया लुमुगु लुमन्ति स्वयाः तःधंगु मेगु छुं मदु ।

 

व मार्था मिशेल धइम्ह मिसां न्हियान्हिथं अनच्वंगु नमस्ते अलजाइमर सेन्टरयु वनाः चाःहिलाच्वनीगु खः । अथेयानाः वं न्हापा अनया बिरामी थः भाःत नाप वथासय् अथे चाःहिलागु लुमंकाच्वनीगु जुयाच्वन । सन् १९९८य् थः भाःत लेस्टर मिशेलया मृत्यु जुसांनिसें व वया लुमन्तिइ अथे चाःहिलेगु शुरु याःगु खः । अथे चाहिलेगुया व मिसां विस्तृत रेकर्ड तयातःगु जुयाच्वन अले वंगु शनिबाः व १०,००० माइल थ्यन । थ्व धइगु संयुक्त अमेरिका स्वकः तक आरपारयायेगु दूरी बराबर जुइ ।

 

उमिसं थःगु ५६दँया त्यपू जीवनय् तःदँ तक कोलोराडोया गुँइ चाःहिलाः जीवन हंगु खः । थथे चाहिलेगु भाःतम्ह बिरामी मजूतले न्ह्याना हे च्वन ।

 

थः भाःतया मतिनाय् थुलि तक दुनीपिं मनूत धाथें थ्व संसारय् दइ धकाः सुनां पत्याः हे याइमखु । धाथें थज्याःपिं मनूत संसारय् मेथाय् गन दइ जुइ हला?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.