जाः व यचा म्ह्वःल्याःया चुनावी प्रचार

राजेश बज्राचार्य

यल, थिंलागा पारु, ११३८ । थी थी विषय सम्बोधन यायेकथं दलतय्सं थःथःगु घोषणपत्र सार्वजनिक यानाच्वंगु इलय् सोमवाः यलय् जाः व यचा म्ह्वःल्याः (यौनिक तथा लैङ्गिक अल्पसंख्यक) समुदायपिनिगुु मुद्दा सम्बोधन याकेगु प्रतिवद्धताया प्रचार जूगु दु ।

 

बाबुराम भट्टराईया नयाँ शक्ति पार्टी नेपालयापाखें नील हिरा समाजया नायः पिङ्की गुरुङ जाः व यचा म्ह्वःल्याः अधिकारया सः प्रतिनिधिसभाय् थ्यङ्केगु प्रतिवद्धता ज्वनाः चुनावी प्रचारया झ्वःलय् यलय् थ्यंकवःगु खः।

 

पार्टीया स्थापनाकालंनिसें सक्रिय जुया राजनीतिइ न्ह्याज्याना दीम्ह वय्कलं थःपिनिगु मुद्दा थःपिन्स हे ल्ह्वनेगु जायज जूगुलिं देयन्यंकया जाः व यचा म्ह्वःल्याः समुदायपिनिगु मत बियादित इनाप यानादिल । ‘मुद्दा अनुसार थःथःगु सरोकार क्यनेत जिगु उम्मेदवारी खः,’ वयेकलं धयादिल, ‘देय् न्यंकया ९गू लख ल्याःसिबें उप्व दुगु थुगु समुदायया विषय पार्लियामेन्टय् ल्ह्वनेगु जुइ ।  जिं थःगु समुदायया सः तयेगु नापं प्रतिनिधिसभाय् प्रतिनिधित्व याइपिं सकसित थुगु मुद्दाबारे न्ववाकेगु अवस्था हयेगु जुइ ।’

 

‘डा. बावुराम भट्टराई प्रधानमन्त्री जूबलय् जाः व यचा म्ह्वःल्याःतयेगु नितिं ३.५५ बजेत विनियोजनपाखें जिमिगु मुद्दायात सम्बोधन जुगु खः’ वय्कलं धयादिल ।

 

 

 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.