बंगलादेशी मन्त्रीपाखें धर्मकीर्तिइ बुद्धपूजा

झीगु संवाददाता
येँ, थिंलागाः पारु, ११३८ । बंगलादेशया पर्वतीय चत्तग्राम विषयक राज्य मन्त्री बीर बहादुर उस्वी सिंह थौं धर्मकीर्ति विहारय् झयाः अन बुद्धपुजा यायेगुलिसें दानप्रदानया ज्या नं यानादिल ।

 

अन जूगु ज्याझ्वलय् नवासें वय्कलं नेपाल तथा भारतया बौद्धतय्गु दथुइ स्वापू बांलाका यंकेमाःगु खँ धयादिल । लिसें वय्कलं बंगलादेशया बौद्धय्गु बारे जानकारी बिसें अनया बौद्धतय्सं अन च्वंपिं मेमेगु धर्माबलम्बीतलिसे धार्मिक समन्वय तयाच्वंगु खँ नं कनादिल ।

 

ज्याझ्वलय् धर्मकीर्ति महाविहारकी प्रमुख धम्मावती गुरुमांनं बंगलादेशनिसें नेपालय् वयाः धर्मया ज्याखँय् मनतःगुलिं वय्कःया लिसें बंगलादेशया जनताया नं सुख व शान्ति जुइमा धकाः आशिका यानादिल । अथे हे वय्कलं बंगलादेश धायेत ला छगू मुस्मां देश धाइ तर अन नं छम्ह बौद्ध मन्त्री तकं जुइधुंगु अवस्था वल धकाः लसता ब्वयादिल ।

अथे हे नवीन चित्रकार‌ं मुस्मां देश खःसा‌ं अन नेपालय् स्वयाः यक्व बाैद्धत दूगु खँ लुम‌कादिल ।

ज्याझ्वलय् नेपालया लागि बंगलादेशया राजदूत माशफी बिन्ते शाम्स नं उपस्थित जुयादीगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.