६१ म्ह विद्यार्थीपिन्त छात्रवृति चाइनाया कलेजय्

११३८ गुँला थ्वः षष्ठी/येँ

झीगु सम्वाददाता

अरनिकाे समाजया ग्वसालय्  म्हिगः जुगु छगू ज्याझ्वलय्  ६१ म्ह विद्यार्थीपिन्त चाइनाया कलेजय् ब्वनेगु ह्वताया कन्फरमेशन लेटर समाजया अध्यक्ष डा‍. सर्वाेत्तम श्रेष्ठजुं लःल्हानादिल ।

किपाः रेखा शाक्य

दँय्दसं थुकथंया छात्रवृतिइ विद्यार्थी छ्वयेगु झ्वलय् थुगसि मास्टर्स, इन्जिनियर, एग्रिकल्चर, भेटेनरी, फर्मासी,  मिडिया, विजनेश एण्ड म्यानेजमेन्ट, हाेटल म्यानेजमेन्ट व ल्यान्ग्वेजय् यानाः मुक्कं ६१ म्ह विद्यार्थी वनेत्यंगु खँ समाजया उपाध्यक्ष मनाेजमान श्रेष्ठजुं जानकारी बियादिगु दु ।

किपाः रेखा शाक्य

अाः याकनं हे उखे पाखे वनेत्यंपिं विद्यार्थीपिन्त मार्ग निर्देशन जुइगु कथं  उखे वना वःपिं व विदाय् नेपाः लिहाँ वयाच्वंपिं पाखें अनुभव कनेगुया लिसें अनया ब्वनेज्यायात कयाः छगू अन्तरक्रिया ज्याझ्वः नं  जुगु खः ।

किपाः रेखा शाक्य

अध्यक्ष  डा श्रेष्ठ पाखें नुगः खँ तय्गु झ्वलय् अाः वनिपिं विद्यार्थीपिं चाइनाया सिचुअान शहरया न्हयगू थी थी कलेजय् ब्वनेगु व्यवस्था जूगु खँ कनादिल । लिसें चाइनाया कलेजय् छात्रवृति कायेगु अपुगु खँ मखु  छात्रवृति चू लाःपिं विद्यार्थीपिन्स मिहेनत यात धाःसा इमिगु भविष्य बांलाइगु खँ कनादिल ।  लिसें अनया लकसनाप भ्यलेपुना थःपिनिगु उदेश्यपाखें विमुख मजुसे ब्वनादिइत इनाप नं यानादिल ।

म्हिगःया उगु ज्याझ्वलय्  महासचिव डा शुसिल प्रजापति, काेषाध्यक्ष बालकृष्ण, सदस्यपिं र्इ सगुन श्रेष्ठ व राजु महर्जन व यल उद्याेग वाणिज्य संघया भू पु अध्यक्ष अजरमान जाेशीयालिसें अन्य व्यक्तित्वपिनिगु उपस्थिति दुगु खः ।

अरनिकाे समाज १९८१ स स्थापना जुगु खः ।

किपाः रेखा शाक्य

 

 

 

 

उपिं सकले विद्यार्थीपिं चाइनाया

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.