५२ प्रतिस्पर्धीयात लिउने लाकाः नेपाःया घिमिरें उपाधी त्याकल

११३८ दिल्ला गाः चाैथी

नकतिनी हे भारतय् सम्पन्न लिटिल अस्थेटिक्स किड्स फेसन रनवे तथा टिन एस्थेटिक किड्स फेसन रनवेस सहभागी नेपाली प्रतिस्पर्धीपिन्सं उपाधीसहित नेपाः लिहाँ वःगु दु ।

वंगु आइतबार भारतय् कामाक्षं ग्वसाः ग्वःगु लिटिल एस्थेटिक्स किड्स फेसन रनवेस नेपाःया साइब्या घिमिरें उपाधी त्याकूगु दु । ५ गु देय्पाखें ५२ म्ह प्रतिस्पर्धीया दथुइ घमिरे विजेता जुइत सफल जूगु खः । अथेहे उगु हे प्रतिस्पर्धाय् नेपाःया हे मेम्ह प्रतिस्पर्धी सुरेन्द्रकुमार श्रेष्ठ सेकेन्ड रनर अप जुगु खःसा लिटिल विधापाखे हेै नेपाली प्रतिस्पर्धी नमन मित्तलं बेस्ट फोटोजेनिक टाइटल त्याकुगु खः ।

छगू हे इलय् सम्पन्न निगू इभेन्टय् ५म्ह नेपाली प्रतिस्पर्धीं उपाधीया लिसें अन्य विधाय् नं टाइटल त्याकुगु खः । टिन एस्थेटिक्स किड्स फेसन रनवेस धाःसा नेपाली प्रतिस्पर्धी प्रेजु कायस्थ ल्यू लात । अथेहे नेपाःपाखें प्रतिस्पर्धाय् ब्वति काःम्ह महिमा बज्राचार्यं थुगु विधाय् ट्यालेन्टेड पर्सनालिटिजया उपाधि त्याकुगु खः ।

वंगु वैसाखय् रेडियन्ट ईभेन्ट म्यानेजमेन्ट एजेन्सीया ग्वसालय् येँ सम्पन्न लिटिल प्रिन्स एन्ड प्रिन्सेज नेपाल व टिन प्रिन्सेज डिभाया विजयी प्रतियोगीपिन्त भारतय् थुगु प्रतिस्पर्धाय् ब्वति कायेकुगु खः ।

थुगु प्रतियोगिताया नितिं नेपालया ईन्टरनेशनल कोरीयोग्राफर लिसें रेडियन्ट ईभेन्ट म्यानेजमेन्टया फाउन्डर डाइरेक्टर राज फैजुं कोरीयोग्राफी याःगु खःसा प्रतिस्पर्धीपिनिगु ड्रेस डिजाइन श्रीषा बैदार फैजुं याःगु खः ।

प्रतियोगीताय् नेपाल, भारतया लिसें दुबई, सिंगापुर व मलेसियां याना जम्मा ५२ म्ह प्रतिस्पर्धीपिनिगु सहभागीता दुगु खः ।

बुखँ  विराजकाजी राजाेपाध्याय

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.