१५ वडाय् ७ न्हुयंकया दकःमि तालिम न्ह्याःत

राष्ट्रिय पुनः निर्माण प्राधिकरणया ग्वहालिइ घरेलु तथा साना उद्योग बिकास समिति व काठमाडौं महानगरपालिका वडा नं १५ या मंकाः ग्वसालय् ७ दिने डकर्मि तालिम न्ह्याःगु दु ।

ज्याझ्वःया उद्घाटन यानादीसें मू पाहां प्रतिनिधि सभाया दुजः जीवनराम श्रेष्ठं दक्वं ज्या बराबर जूगु जुया दक्व ज्याया सम्मान यायेमाः धयादिल । ज्याः धयाःगु तधं चिधं जुइमखु, दक्वं ज्या बराबर खः धकाः श्रेष्ठं ६० म्हेसिया सहभागिता दूगु उगु ज्याझ्वलय् बरु ज्या याइपिं मनू तधं जुइ धका थःगु बिचाः प्वंकादिल ।

‘आःया ई धयाःगु आर्थिक विकास व पुँजी वृद्धिया जूगु जुया स्वरोजगार व शीप विकासं नागरिकया जीवन स्तर बांलागु लँपुइ वनी ।’, श्रेष्ठं धयादील । सकल नागरिक स्वाभलम्बी जुइत थज्याःगु तालिमं बांलाःगु भूमिका म्हितिइ अले शीप सयेका कयाः व्यवहारय् नं हये फयेमाः नापं ज्याझ्वः सुथां लायेमाः धकाः भिंतुना नं देछानादिल ।

उगु ज्याझ्वलय् विशेष पाहांकथं १५ वडाया नायः इश्वरमान डंगोल, पाहांकथं घरेलु तथा साना उद्योग विकास समितिया प्रतिनिधि सीता घिमिरेया उपस्थिति दुगु खः ।

किपा सौजन्य ः निरज श्रेष्ठ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.