fbpx

१५ वडाय् मेयर निःशुल्क स्वास्थ्य परिक्षण सेवा न्ह्यात

येँ महानगरपालिकां वडा नं १५ पाखें मेयर निःशुल्क स्वास्थ्य परिक्षण सेवा न्ह्याकूगु दु ।

शनिवाःनिसें नमूनाकथं न्ह्याकूगु उगु ज्या सामुदायिक स्वास्थ्य सेवा परिषदय् न्ह्याइगु जूगु दु ।

थ्व ज्याझ्वः दुने सामाजिक सुरक्षा भत्ता काःपिं दक्वं जेष्ठ नागरिकयात दक्वं कथंया रोगया परीक्षण निःशुल्क याइगु जूगु दु ।

मेयर निःशुल्क स्वास्थ्य परीक्षण परिचय पत्र काःपिं जेष्ठ नगारिकं निःशुल्क उपचार नाप वासलय् २० प्रतिशत छ्यापं नं दइ।

महानगरया प्रमुख बिद्यासुन्दर शाक्यं परिषदया नायः हरिगोपाल श्रेष्ठयात मासिक एक लाखया दरं जुइगु बार्षिक एकमुष्ट बाह्र लाख तकाया चेक हस्तान्तरण यानाः ज्याझ्वःया शुभारम्भ यानादीगु खः ।

नयाँ बर्षया अवसरय् लाका १५ वडां ग्वसाःग्वःगु शुभकामना आदानप्रदान तथा चियापान कार्यक्रमय् औपचारिक रुपं सुरु याःगु थुगु ज्याझ्वःयात पूर्व प्रधानमन्त्री झलनाथ खनालंं सम्बोधन यानादीगु खः । सम्बोधनय् आः नागरिकं अनुभूति याइगु ज्याझ्वः ज्याखलय् हयेत स्थानीय सरकार प्रतिवद्ध जुइगु खः धयादील ।

महानगरया प्रमुख बिद्यासुन्दर शाक्यं काठमाडौं महानगरं सहरी समृद्धिया नितिं योजना तयार यायेत यदी नागरिकं महानगरपाखें थ्व ज्या याःसा ज्यू धइगु लगेजुसा योजना प्रस्ताव यायेत आव्हान नापं यानादीगु दु ।

ज्याझ्वलय् येँ क्षेत्र नं। ८ या संसद जीवनराम श्रेष्ठ, नेकपाया प्रदेश ३या इन्चार्ज अष्टलक्ष्मी शाक्य, येँ महानगरपालिकाया उपप्रमुख हरिप्रभा खड्गी, वडाध्यक्ष एवं महानगरया प्रवक्ता ईश्वरमान डंगोलं थःथगु नुगः खँ प्वंकादीगु खः ।

उगु ज्याझ्वलय् सुनगाभा (बौद्धिक अपाङ्गता) महिला व्यवसायिक केन्द्रयात बाल संरक्षणया लागाय् याःगु योगदानया कदरकथं सम्मान पत्र लःल्हागु खः । अथे हे जन्मजात श्रवण एवं बाकशक्तिबिहिन इनिमा महर्जनयात फोटोग्राफी लागाय् उत्प्रेरणा बिइत सम्मान याःगु खः ।

 

अथे हे स्वयम्भू लागाय् नियमित सरसफाइया नितिं स्थानीय गैरसरकारी संस्थानाप सम्झौता याःगु दु धाःसा वडापाखें उद्यमशीलता सम्बन्धी तालिम कयाःतपिं मिसापिन्सं उत्पादन याःगु सामाग्री मिइत नं ब्ययातःगु खः ।

स्वयम्भू लागाय् नियमित सरसफाइया नितिं स्थानीय गैरसरकारी संस्थानाप सम्झौता

 

Leave a Reply

Your email address will not be published. Required fields are marked *