१५क्वःगु राष्ट्रिय ज्यापु दिवस तःजिक हन

https://www.facebook.com/rajendra.manandhar.7906

झीगु सम्वाददाता ।
ने.सं. ११३९ थिंलागा पारु, येँ ।

“झी ज्यापु, झी नेवाः, झी नेपाःमि” या मू नारा ज्वना न्ह््यानाच्वंगु ज्यापु संस्कृति विकास कोषया ग्वःसालय् परम्परागत धर्मचक्र तःननी त्वाःगुथिया संयोजकत्व म्हिग ने.सं. ११३९ थिंलाथ्व योःमरि पून्हीकुन्हु सम्माननीय प्रधानमन्त्री श्री के.पी. शर्मा ओलीजुया मू पाँहासूई १५क्वःगु राष्ट्रिय ज्यापु दिवस येँया बसन्तपुलिइ तःजिक न्यायेकुगु दु ।

किपा–शरण ज्यापु हरि
किपा–शरण ज्यापु हरि

धर्मचक्र तःननी त्वाःलय् येँ महानगरपालिका मेयर भाजु विद्यासुन्दर शाक्यजुं रिबन चासें न्ह्याःगु परम्परागत त्वाःखलत पाखेँ वपिंनिगु सांस्कृतिक जुलुस दे चाहिला बसन्तपुलीइ थ्यंका सभाय् परिणत जुगु खः ।

किपा–शरण ज्यापु हरि

उगु सभाय् प्र.म. ओलीं ज्यापु दिवसया लसताय् सकलसित भिन्तुना देछासें  ज्यापु संस्कृति विकास कोषयात बि  धयातःगु २१ लख दाः १५न्हुया दुने बिगु बचं बिसें थःगु नेतृत्वया सरकार देया स्वाभिमानया नितिं न्ह्यावनाच्वंगुलिं थुकियात सुनां नं पंग थना स्येंके फैमखु धयादिल । उगु ज्याझ्वःलय् ज्यापु दिवसया लसताय् पिदंगु स्मारिकाया चिखि फ्यसें ज्यापु कला व संस्कृतिया विकास व प्रबद्र्धनया नितिं ज्या यानाच्वपिनित सम्मान नं यानादिगु खः ।

किपा–शरण ज्यापु हरि

विशेष पाहाँ मेयर विद्या सुन्दर शाक्यजुं २४क्वःगु महानगर दिवसय् ज्यापु समुदाय पाखें दुगु सहयोगयात धन्यवाद विसें अमूर्त संस्कृति कथं ल्यनाच्वंगु थी थी त्वाःया गुरुपिन्त २५ द्वतका व सम्मान पत्रपाखे सम्मान याये खनां थः लयताःगु खँ न्ह्यथनादिल । नापं महानगर दुनेया मूर्त अमूर्त भाषा, संस्कृति, कलायात ल्यंकातय्त महानगर न्ह्याबले न्ह्यचिलेगु बचं नं बियादिसें ज्यापु संस्कृति विकास कोष, ज्यापु महागुथि नापं ज्यापु संस्कृतिया ख्यःलय् ज्या यायेत छुं नं कथंया पंग वल धाःसा स्थानिय निकायया लुखा सदायां नितिं खुल्ला जुयाच्वंगु दु महागरपालिका ग्वाहालि यायेत तयार दु धयादिल ।

किपा–शरण ज्यापु हरि

ज्याःझ्वलय् ज्यापु संस्कृति विकास कोषया नायः मंगलकृष्ण सिंह, धर्मचक्र तःननि खलःया नायः तीर्थ नारायण महर्जनं नं थःगु नुगः खँ न्ह्यब्वगु खः ।

किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि
किपा–शरण ज्यापु हरि

किपा–शरण ज्यापु हरिज्याःझ्वलय् सम्मानित व्यक्तित्व व त्वाःखलःत
बाल प्रतिभा सिजल महर्जन, युवा प्रतिभा डा. सगुन डंगोल (शिक्षा), सब्बारानी महर्जन व आशिष महर्जन (कासा), रमेश महर्जन (सांस्कृतिक), आशाकाजी महर्जन, देवेन्द्रमान महर्जन (पत्रकारीता), ईनिमा महर्जन (कला), रविना महर्जन (ज्यापु सरस्वती पदक), अशोकमान महर्जन (ज्यापु उद्यमी पदक), सूर्यलाल प्रजापति (श्री चक्रमान डंगोल समाजसेवा पुरस्कार), प्रा. धर्मराज डंगोल (ज्यापु रत्न), डा. ओमकारेश्वर श्रेष्ठ (ज्यापु प्रज्ञा), कल्पना महर्जन, सरिता महर्जन, कुलमान घिसिङ, दिपक कपाली, चिन बज्राचार्य, सानु मैया महर्जन, आर.एन. नकर्मी, मोहनश्याम खोकना महर्जन व संजीता राव (ज्यापु विशेष सम्मान), जयन्तीपुर बाँसरी खलः– फुुतुङ, नगां दाफा खलः–नगां, झ्वःत्वाः धिमय् खलः–सिंर, धाःबाजं मंका खलः–वादे व कुमाःलाछि बाँसरी खलः–नगदे (संस्थागत विशेष सम्मान) , नवौं राष्ट्रिय ज्यापु दिवस समारोह समिति २०६९ या संयोजक कालु महर्जन, त्वाः नायः, भलननी (ज्यापु साँस्कृतिक धरोहर सम्मान), १४क्वःगु राष्ट्रिय ज्यापुदिवस समारोह समिति २०७४ या संयोजक न्हुच्छे नारायण महर्जन, नःबहाः (संयोजक कार्य सम्पादन प्रशंसा–पत्र), स्व. प्रा. डा. परासर नारायण सुवा (ज्यापु मरणोपरान्त सम्मान) ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.